Lc 7:8 - Chuj San Mateo Bible

⁸ Vojtac to a in tic ayin d'a yalan̈ smandar vin̈ tzin ac'an mandar, ay pax eb' soldado ayoch d'a yalan̈ in mandar. Tato sval d'a junoc: Ixic, ta xin xchi, sb'atn̈ej. Svalanpax d'a junocxo: Cotan̈, ta xin xchi, scotn̈ej. Tato tzin chec sc'ulej junoc tas junoc in checab', sc'ulejn̈ej. Icha svutej vac'an mandar eb' chi', icha chi' tzutej ac'an mandar smasanil tas a ach tic, xchicot vin̈, xchi eb'.

Chuj San Sebastian Bible

⁸ Yujto an tic, 'ay eb' wajlil tzin 'a'n mandar. An̈jtona', 'ay pax eb' soldado tzwac' mandar an tic. Toto 'ay mach 'aj tzwala, to tz'ati, tz'atn̈ej. Toto 'ay pax mach 'aj tzwala, to tzcoti, tzcotn̈ej. An̈jtona', toto 'ay tas tzwac' sb'o junc in moso, tzb'on̈ej. Yuj cha, wojtac 'icha tzwutj wa'n mandar eb', 'ixta tzotj a'n pax mandar smasnil tas ach tic, xchi win capitan̈ cha, xchi eb' 'a Jesús.

Lc 7:8 Iomraidhean Croise

Lc 7:7

Yuj chi' in q'uixvi ach in sayaneq'ui. Ton̈ejocab' tzala', ol b'oxoc sc'ool vin̈ in checab' tic uuj.

Lc 7:9

Ayic ix yab'an jun chi' Jesús, ix te sat sc'ool yuj vin̈, ix och q'uelan d'a juntzan̈ eb' anima tzac'anoch yuuj, ix yalan d'a eb': —Val yel, manta b'aj svil junoc d'a scal eb' quetisraelal tzin ac'anoch d'a sc'ool icha jun vin̈ tic, xchi Jesús.

A Tas Sc'ulejnac Eb' Schecab' Jesús Hechos 23:17

Ix lajvi yab'an jun chi' vin̈, ix yavtancot jun vin̈ capitán vin̈. Ix yalan vin̈ d'a vin̈: —Ic'b'at vin̈ quelem tic d'a vin̈ coronel yujto ay tas sgana vin̈ b'at yal d'a vin̈, xchi vin̈.

A Tas Sc'ulejnac Eb' Schecab' Jesús Hechos 23:23

Ix lajvi chi' ix yavtancot chavan̈ eb' vin̈ capitán vin̈ coronel chi'. Ix yalan vin̈ d'a eb' vin̈: —Tzeyac' lista chab'oc ciento soldado ol b'at d'a yoc, 70 oc eb' ol b'at d'a yib'an̈ chej yed' chab'oc ciento eb' syic' slanza, yic sb'at eb' d'a chon̈ab' Cesarea d'a q'ue ac'valil tic.

A Tas Sc'ulejnac Eb' Schecab' Jesús Hechos 23:26

A in Claudio Lisias in, tzin tz'ib'ejb'at jun in carta tic d'ayach, ach vajalil Félix. Svac'b'at stzatzil a c'ool ta'.

A Tas Sc'ulejnac Eb' Schecab' Jesús Hechos 23:31

Axo eb' soldado chi' ix sc'anab'ajej eb' tas ix yal vin̈. Ix yic'anb'at vin̈aj Pablo chi' eb' d'ac'valil. Ix c'och eb' d'a chon̈ab' Antípatris.

A Tas Sc'ulejnac Eb' Schecab' Jesús Hechos 24:23

Ix lajvi chi', ix yalan vin̈ d'a vin̈ capitán to an̈eja' stan̈vaj vin̈aj Pablo chi'. Palta libre val tz'aj vin̈. Syal slolon vin̈ yed' eb' svach'c'ool, syal pax yac'an eb' tas yovalil tz'och yuj vin̈.

A Tas Sc'ulejnac Eb' Schecab' Jesús Hechos 25:26

Palta malaj tas vach' tzin tz'ib'ejb'at d'a vin̈ cajal chi' yuj vin̈. Yuj chi' ix vic'cot vin̈ d'a ichan̈ ach rey Agripa yed' d'a eyichan̈ e masanil. A ticnaic, c'anb'ejec eyab' d'a vin̈, ta icha chi' ay junoc smul vin̈ tz'ilchaj eyuuj, yic a jun chi' ol in tz'ib'ejb'at d'a vin̈ cajalil chi'.

A Scarta San Pablo D'a Eb' Aj Colosas 3:22

An̈ejtona', ex checab' eyaji, c'anab'ajejec tas syal eb' e patrón. Man̈ocn̈ej van ex yilan eb' tze c'anab'ajani, yic stzalaj eb' eyed' e naani, palta d'a smasanil e c'ool tzex munlaji, yuj e xivc'olal d'a Dios.