Lc 6:10 - Chuj San Mateo Bible

¹⁰ Ix lajvi chi', ix och q'uelan Jesús d'a eb' oyanec' chi', ix yalan d'a vin̈ penaay chi': —Aq'uel lian a c'ab' chi', xchi d'a vin̈. Ix slianel sc'ab' vin̈ chi', ix b'oxican vin̈.

Chuj San Sebastian Bible

¹⁰ Xlajw cha, 'ix 'ec' q'uel-loc 'a eb' oyn 'och 'a 'a, 'ix yaln 'ixtc 'a winac: —'A' cot a c'ab' 'ayin, xchi 'a winac. 'Ix ya'n cot win sc'ab' 'a 'a, 'ixta to b'i'an, 'ix b'oxi.

Lc 6:10 Iomraidhean Croise

A Ch'an̈ B'ab'el Libro Yic Yab'ixal Eb' Rey 13:6

Yuj chi' ix yal vin̈ rey chi' d'a vin̈ schecab' Dios chi': Sval d'ayach to tzach tevi d'a Jehová a Diosal vuuj, yic sb'oxican in c'ab' tic, xchi vin̈. Yuj chi' ix lesalvi vin̈ checab' chi' d'a Jehová, ix b'oxican sc'ab' vin̈ rey chi' ichataxon yaji.

Salmos 107:20

A' ix alani, ix b'oxi sc'ool eb'. Ix colchaj eb' yuuj d'a yol sc'ab' chamel.

Mr 3:5

Ix ec' q'ueleloc Jesús d'a eb', ix cot yoval. Ix te cusq'uei yujto te pit eb'. Ix yalan d'a vin̈: —Aq'uel lian a c'ab' chi', xchi. Ix yac'anel lian vin̈. Icha chi' ix aj sb'oxicani.

Lc 6:11

Axo eb' vin̈ c'ayb'um d'a ley chi' yed' eb' vin̈ fariseo, ix te cot yoval eb' vin̈, ix och ijan eb' vin̈ sc'anb'an d'ay junjun tas vach' syutej eb' vin̈ yic'ancot d'a yib'an̈ Jesús chi'.

Lc 6:9

Ix yalan Jesús d'a eb' smasanil: —Tzin c'anb'ej d'ayex: ¿Tas junoc smoj co c'ulan d'a sc'ual ic'oj ip? ¿Tzam yal co c'ulan juntzan̈ tas vach', mato a juntzan̈ chucal? ¿Tzam yal co colan junoc penaay, mato vach' sco mac'chamoc? xchi d'a eb'.

Jn 5:8

Yuj chi' ix yalan Jesús d'a vin̈: —Q'uean̈ vaan, ic'chaan̈ a vaynub' tic, b'eyan̈, xchi d'a vin̈.