Lc 5:25 - Chuj San Mateo Bible

²⁵ D'a jun rato chi', ix q'ue vaan vin̈ sicb'inaquel chi' d'a yichan̈ eb'. Ix yic'anchaan̈ svaynub' vin̈ b'aj jichan ec' chi'. Ix pax vin̈ d'a spat, ix yalan vach' lolonel vin̈ d'a Dios.

Chuj San Sebastian Bible

²⁵ Yajn̈j wal cha, xq'ue wan win 'a sat eb'. 'Ix yi'n chan̈ win swaynub' 'a 'aj c'otn 'ec' cha, 'ix pax win 'a yatut. Xlaj yalnc win wach' paxti 'a Dios, yic x'at winac.

Lc 5:25 Iomraidhean Croise

Gn 1:3

Ix lajvi chi' ix yalan Dios icha tic: Ayocab' saquilq'uinal, xchi. Icha chi' b'ian ix sacb'iq'uinal.

Salmos 33:9

Yujto a' ix alani, ix b'o smasanil. A' ix alani, vach' ix ajcan masanil tas.

Salmos 50:23

A mach tz'ac'an yuj diosal d'ayin, ay velc'och d'a yol sat. A mach tzin c'anab'ajani, ol in colcaneli, xchi Dios.

Mt 9:8

Ayic ix yilan jun chi' eb' anima, ix te sat sc'ool eb'. Ix laj yalan vach' lolonel eb' d'a Dios yujto te nivan spoder Jesús ix sch'ox d'a eb' anima.

Mr 2:12

D'a jun rato chi', ix q'ue vaan vin̈. Ix yic'anchaan̈ svaynub' vin̈ chi'. Q'uelanoch eb', ix pax vin̈. Yuj chi' ix te sat sc'ol eb' smasanil. Ix laj yalan vach' lolonel eb' d'a Dios. —Malaj b'aj squiltaxon jun tic, xchi eb'.

Lc 13:13

Ix yac'anec' sc'ab' Jesús d'a yib'an̈ ix, val d'a jun rato chi' ix tojolb'iq'ue lin̈an ix. Ix och ijan ix yalan vach' lolonel d'a Dios.

Lc 18:43

D'a jun rato chi', ix b'oxican yilan vin̈, ix och tzac'an vin̈ yuj Jesús. Ix yalan vach' lolonel vin̈ d'a Dios. An̈ejtona', a jantac eb' ix ilan jun chi', ix yal pax vach' lolonel eb' d'a Dios.

Lc 5:13

Axo Jesús ix yamlan vin̈, ix yalani: —In gana sb'oxican a c'ool, xchi d'a vin̈. Ayic ix yalan Jesús icha chi', ix el jun yab'il chi' d'a vin̈.

Jn 9:24

Ix lajvi chi', ix avtajxicot vin̈, ix yalan eb' d'a vin̈: —Val yel tzach lolon d'a yichan̈ Dios. Yujto cojtac a on̈ tic to te chuc jun vin̈ ix b'oan a sat tzal chi', xchi eb' vin̈.