Lc 1:26 - Chuj San Mateo Bible

^26-27 Ay jun ix cob'es scuchan María cajan d'a chon̈ab' Nazaret d'a yol yic Galilea. Ayxo strato ix yed' vin̈aj José. A vin̈aj José chi', yin̈tilal vin̈ vin̈aj rey David. Svaquilxo ujal sch'oxan sb'a ángel Gabriel d'a vin̈aj Zacarías, ix checjixicot yuj Dios d'a ix María chi'.

Chuj San Sebastian Bible

²⁶ Ax yic xlajw waque 'uj, 'ix schecn cot Dios jun ángel Gabriel chi 'a chon̈b' Nazaret 'a yol yic Galilea.

Lc 1:26 Iomraidhean Croise

Dn 8:16

Ix vab'an yoch jun av scot d'a sti' a' Ulai, icha val sjaj anima, ix yalan icha tic: Gabriel, vach' alej d'a jun vin̈ vinac tic yic snachajel yuj vin̈ tas ix yil chi', xchi.

Dn 9:21

Yacb'an van in lesalvi chi', axo ángel Gabriel, jun sch'oxnac sb'a d'ayin d'a yalan̈taxo, ix javi jen̈en̈oc b'aj ayinec' chi', ichaval yorail yic tz'ac'ji silab' d'a Jehová d'a yemc'ualil.

Mt 2:23

Ayic ix c'och eb' ta', ix cajnaj eb' d'a chon̈ab' Nazaret. Icha chi' ix aj yelc'och tas yalnaccan eb' schecab' Dios d'a peca'. Tz'ib'ab'ilcan yuj eb', chajtil to ol yal eb' anima to aj Nazaret Jesús.

Lc 1:19

Ix yalanxi jun ángel chi' d'a vin̈: —A in ton tic tzin cuch Gabriel, schecab' in Dios. A' ix in checancot val jun vach' ab'ix tic d'ayach.

Lc 2:39

Ayic ix lajvi sc'anab'ajan juntzan̈ sleyal alb'ilcan yuj Dios Cajal eb', ix pax eb' d'a schon̈ab' scuch Nazaret, aton jun ay d'a yol yic Galilea.

Lc 2:4

Yuj chi' a vin̈aj José, ix cot vin̈ d'a chon̈ab' Nazaret d'a yol yic Galilea, ix c'och vin̈ d'a chon̈ab' Belén d'a yol yic Judea, aton b'aj aljinac vin̈aj David d'a peca', yujto a vin̈aj José chi', a vin̈aj David ay yin̈tilal vin̈.

Jn 7:41

Ay pax eb' ix laj alani: —A jun tic aton Cristo, xchi eb'. Palta ay eb' ix alanxi: —A Cristo chi', ¿tom aj Galilea icha jun vin̈ tic tze na'a?