Lc 1:13 - Chuj San Mateo Bible

¹³ Palta ix yalan jun ángel chi' d'a vin̈: —Zacarías, man̈ ach xivoc, yujto ix yab' a lesal Dios. A ix etb'eyum ix Elisabet, ol yuneej jun vinac unin ix. Juan ol ac' sb'iej.

Chuj San Sebastian Bible

¹³ Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Lc 1:13 Iomraidhean Croise

Gn 17:10

A jun in trato van in b'oan tic eyed'oc to yovalil tze c'anab'ajej. Masanil eb' vinac unin, ochocab' yechel snivanil eb'.

Gn 17:19

Ix tac'vi Dios chi' d'a vin̈ icha tic: —Toxo ix val d'ayach to ol aljoc junoc uninal yed' ix Sara. Isaac ol ac' sb'iej, aton yed' vin̈ ol vaq'uelc'och jun in trato tic d'a masanil q'uinal yed' eb' yin̈tilal vin̈.

Gn 18:14

¿Tom ay tas ajaltac d'ayin tze na'a? Yab' icha tic junab', tzin jax junelxo, svac'anxi a paxyal. Ata' ol aljoc jun yune' ix Sara chi', vinac unin, xchi Jehová.

Gn 25:21

A ix Rebeca chi' malaj yune' ix. Axo vin̈aj Isaac ix lesalvi d'a Jehová yic tz'ac'ji yune' eb' yuuj. Icha chi' jun, ix ab'ji slesal eb' yuj Jehová, ix och ix Rebeca yab'ixal.

Salmos 113:9

A Jehová tz'ac'an unevi ix ix max unevitaxonlaj. Tz'och ix nunab'ilal, tzalajc'olal tz'ajec' ix d'a spat yed' yune' chi'. Calec vach' lolonel d'a Jehová.

Salmos 118:21

Svac' yuj diosal d'ayach Jehová yujto ix ach tac'vi d'ayin, in Columal ach.

Is 8:3

Ix lajvi chi', ix in vay yed' ix vetb'eyum, aton ix schecab' Dios, ix scuchancanoch yune' ix. Axo yic ix alji jun unin chi', ix yalan Jehová d'ayin icha tic: A vin̈ unin tic, Maher-salal-hasbaz ol ac' sb'iej vin̈, xchi.

Dn 10:12

Ichato chi' ix yalan d'ayin: Daniel, man̈ ach xivoc. Yictax ix a chaanel yich och ejmelal, yic tza c'anan a jelanil, yic snachajel tas ajaltac uuj, a Dios ix ab'an a lesal. Yuj chi' in checjicot d'ayach.

Os 1:4

Ix yalan Jehová d'ayin icha tic: Jezreel ol ac' sb'iej vin̈ unin chi', yujto d'a yic jaye' c'ual tic, ol vac'och syaelal eb' yin̈tilal vin̈aj rey Jehú yuj jantac anima ix smilcham eb' d'a chon̈ab' Jezreel. Ol vac'pax lajvoquel chon̈ab' Israel chi'.

Os 1:6

Ix scuchanxioch yune' ix Gomer chi', ix unin jun yune' ix, ix alji. Ix yalan Jehová d'ayin icha tic: “Man̈-xajanab'iloc” tzac' sb'iej ix isil chi', yujto man̈xo ol oc' in c'ol d'a chon̈ab' Israel tic. Man̈xo ol vac'laj nivanc'olal.

Mt 1:21

A jun unin ol aljoc chi', vinac unin. JESÚS ol ac' sb'iej, yujto a' ol ex colancanelta a ex schon̈ab' ex tic d'a yalan̈ e mul, xchi d'a vin̈.

Mt 14:27

Palta ix yal Jesús d'a eb': —Tec'an tzeyutej e b'a. A in. Man̈ ex xivoc, xchi d'a eb'.

Mt 28:5

Axo jun ángel chi' ix alan d'a eb' ix: —Man̈ ex xivoc. Vojtac to a Jesús tzec' e saya', aton jun ix culusajq'uei.

Mr 16:6

Palta ix yalan jun ángel chi' d'a eb' ix: —Man̈ ex xivoc. Van e sayanec' Jesús aj Nazaret, aton jun ix culusajq'uei. Palta toxo ix pitzvixi. Man̈xo ayococh d'a yol q'uen tic. Ilecnab' b'aj ix ul yac'canochta eb' tic.

Lc 1:14

Te nivan a tzalajc'olal ol ja yuuj. Tzijtum eb' anima ol te q'uechaan̈, yujto ol aljoc jun unin chi',

Lc 1:30

Ix yalan jun ángel chi' d'a ix: —María, man̈ ach xivoc, yujto te nivan svach'c'olal Dios ol yac' d'ayach.

Lc 2:21

Ucub'ixitax chi', ix ac'ji circuncidar jun unin chi'. JESÚS ix sb'iejcani, aton jun b'i chi' ix aljican d'a ix María yuj jun ángel atax yic manto scuchoch ix.

A Tas Sc'ulejnac Eb' Schecab' Jesús Hechos 10:31

Yalan d'ayin: Cornelio, a Dios ix ab'an a lesal. Ix snaanpaxcot juntzan̈ a silab' tzac' d'a eb' meb'a'.

Jueces 6:23

Ix yalan Jehová d'a vin̈ icha tic: —Man̈ ach xivoc, man̈ ol ach chamlaj, xchi d'a vin̈.

A Ch'an̈ B'ab'el Libro Samuel 2:21

Axo Jehová, ix ac'an svach'c'olal d'a ix Ana chi'. Ix alji oxvan̈ svinac unin ix yed' chavan̈ ix unin. Axo pax vin̈aj Samuel, van sq'uib' vin̈ d'a scajnub' Jehová.