Jueces 21:7 - Chuj San Mateo Bible

⁷ ¿Tas vach' sco c'ulej yic tz'ochxi yetb'eyum eb' vin̈ ixto can chi'? A on̈ tic ix cac' co ti' d'a yichan̈ Jehová to malaj junoc on̈ ol cac' eb' ix quisil yetb'eyumoc eb' vin̈.

Chuj San Sebastian Bible

⁷ ¿Tas 'oj cutquec tze na'a, yic tz'ochx yistzil ewin yic Benjamín xcancn tic? An̈ec tic tox 'ix ca'c qui ti 'a Jehová, to may junc on̈ec tzca'c quisl yistloc ewinac.

Jueces 21:7 Iomraidhean Croise

Jueces 21:1

A masanil eb' israel chi', ix yac' sti' eb' d'a yichan̈ Jehová d'a Mizpa to malaj junoc eb' ol yac' yisil yetb'eyumoc eb' yin̈tilal Benjamín.

Jueces 21:18

Palta a on̈ tic, max yal-laj cac'an eb' ix quisil yic tz'och yetb'eyumoc eb' vin̈, yujto co masanil ix cac' co ti' d'a yichan̈ Dios to max cac'laj eb' ix quisil d'a eb' vin̈, yuj chi' a mach syac' yisil, scotcan catab' d'a yib'an̈.

Jueces 21:22

Tato ol javoc eb' vin̈ smam, ma eb' vin̈ snulej eb' ix cob'estac chi' yal d'ayon̈, ol calan d'a eb': Sco c'an nivanc'olal d'ayex d'a spatic eb' vin̈, yujto maj ilchaj yetb'eyum eb' vin̈ smasanil cuuj, ayic ix och oval d'a Jabes. An̈ejtona', tic val man̈oc ex ix eyac' eb' ix d'a eb' vin̈, yuj chi' max ochlaj e mul b'aj ix eyac' e ti', xco cham d'a eb', xchi eb' yajalil Israel chi'.

Jueces 21:6

Te cusc'olal yaj eb' yuj tas ix sc'ulej eb' yed' eb' yetisraelal yin̈tilal Benjamín chi'. Ix och ijan eb' yalani: A val d'a jun c'u tic ix satel jun in̈tilal d'a co cal.

Jueces 21:8

¿Ay am eb' quetisraelal maj xid'ec' qued'oc d'a Mizpa molchajel d'a yichan̈ Jehová? xchi eb'. Axo ix snaancot eb' to a eb' cajan d'a Jabes d'a yol yic Galaad, malaj junoc eb' ix xid'ec' d'a molchajel chi'.

A Ch'an̈ B'ab'el Libro Samuel 14:45

Ix tac'vi eb' anima smasanil: —Tocval ol co cha cham vin̈aj Jonatán tic, yujto a yuj vin̈, on̈ colchaj a on̈ israel on̈ tic. Man̈ smojoc icha chi'. Yojtac Jehová co Diosal. Val yel malaj junoc xil sjolom vin̈aj Jonatán tic ol em d'a sat luum. Yujto a tas toxo ix elc'och ticnaic, a Dios ix colvaj qued'oc, xchi eb'. Icha chi' ix aj scolchajcanel vin̈aj Jonatán chi' yuj eb' yetchon̈ab', yuj chi' majxo chamlaj vin̈.