Jueces 19:5 - Chuj San Mateo Bible

⁵ Axo d'a schan̈il c'ual jun, ix q'ue vaan vin̈ d'a q'uin̈ib'alil yic smeltzaj eb' vin̈ yalani. Ayic vanxo smeltzaj eb' chi', ix yalan vin̈ sn̈i' vin̈ chi' d'ay: —Vaec junoc eyooch ichato chi' tzex b'ati yic vach' ay eyip ol ex b'eyoc, xchi vin̈.

Chuj San Sebastian Bible

⁵ Ax 'a sq'uin̈b'il 'a yic schan̈l c'ual, 'ix seb' q'ue wan eb' yic tzseb' cot eb' yalni. Ax yic wan xo scot eb', 'ix yaln win smam 'ix 'ix chi 'a win sn̈i chi 'ixtic: —Wajec can junc wa'il, ax e 'ati, sec wach' 'ay eyip e b'eyi, ax cab' e 'at b'i'an, xchi winac.

Jueces 19:5 Iomraidhean Croise

Gn 18:5

Yacb'an ayex ec' d'a in tz'ey tic, tzin b'at vic'cot jab'oc tas ol e va, yic vach' tz'och eyip, ichato chi' ol ex b'atxoc, xchi vin̈ d'a eb'. —Ixic an, xchi eb' d'a vin̈.

A Ch'an̈ B'ab'el Libro Yic Yab'ixal Eb' Rey 13:7

Ix lajvi chi', ix yalan vin̈ rey chi' d'a vin̈ schecab' Dios chi': —Con̈ ved' d'a in pat, ol ach va jab'oc yacb'an tzin b'o jab'oc tas ol in siej d'ayach, xchi vin̈.

Salmos 104:15

Aton vino tz'ac'an tzalajb'oc co c'ool, aceite tz'ic'an copopi tz'aj co sat yed' pax ixim ixim tz'ac'an quip.

Jn 4:34

Palta ix yalanxi d'a eb': —Ayic tzin c'ulan tas sgana jun in checancoti, yic syic'an sb'a smunlajel, ichato tzin va svab'i.

A Tas Sc'ulejnac Eb' Schecab' Jesús Hechos 9:19

Ix lajvi chi', ix va vin̈, ix yic'anxi yip vin̈. Ix aj jaye' c'ual vin̈ yed' eb' creyente d'a Damasco chi'.

Jueces 19:4

An̈ejtona' ix chajipax vin̈ d'a tzalajc'olal yuj vin̈ smam ix chi'. Ix yalan vin̈ smam ix chi' to scan vin̈ yed' eb'. Yuj chi' oxe' c'ual ix can vin̈ yed' vin̈ schecab' chi' d'a spat vin̈ smam ix chi'. Ix va eb', ix yuc'an a' eb', ix vaypax eb' ta'.

Jueces 19:8

Axo d'a yoil c'ual jun, ix q'ue vaan vin̈ d'a q'uin̈ib'alil yic smeltzaji, palta ix ochxi tean vin̈ sn̈i' vin̈ chi' d'ay yic sva'i, ichato chi' smeltzaj vin̈ yic vach' ay yip vin̈ sb'at d'a yoltac b'e. Ix va eb' yacb'an van sq'ue c'u.

A Ch'an̈ B'ab'el Libro Samuel 30:12

Ix yac'anpax jab' taquin̈ higo eb' b'ob'il icha vail d'a vin̈ yed' pax chab' b'uyan̈ sat uva tacjinac. Ayic ix lajvi sva jun vin̈ aj Egipto chi', ix och val yip vin̈ ix yab'i, yujto schab'jialxo scan sva vin̈, ma yuc'an a' vin̈.