Jueces 16:5 - Chuj San Mateo Bible

⁵ Yuj chi', ix b'at lolon eb' vin̈ yajalil eb' filisteo yed' ix Dalila chi', ix yalan eb' vin̈ d'a ix icha tic: —Tza montej val vin̈aj Sansón chi', tza c'anb'an d'a vin̈ b'ajtil scot jantac yip vin̈ chi', tas val scutej cac'an ganar vin̈ co tzec'ani, yic vach' maxtzac yal-laj scolan sb'a vin̈. Junjun on̈ ol cac' mil 100 siclo q'uen plata d'ayach a tojoloc, xchi eb' vin̈ d'a ix.

Chuj San Sebastian Bible

⁵ 'Ix 'at eb' syajlil chon̈b' filisteo paxtinc yet' 'ix Dalila cha, 'ix yaln eb' 'a 'ix 'ixtic: —Tza montj wal Sansón cha, tza c'anb'j 'a 'a, 'aj wal tzcot yip yet' tas wal tzcutj qui jalni yic tzca'n ganar. Junjn on̈ on̈, tzcac' 1,100 q'uen tumn plata 'aych yuj a tojloc, xchi eb' 'a 'ix.

Jueces 16:5 Iomraidhean Croise

Gn 33:16

A d'a jun c'u chi', ix meltzaj vin̈aj Esaú d'a lum Seir.

Miqueas 7:3

Cuchb'um eb' d'a eb' sc'ulan chucal. A eb' yajal yed' eb' juez, sc'an tumin eb' d'a elc'altac d'a eb' tz'och smul d'a yetanimail. A eb' nivac yelc'ochi, a tas sja d'a spensar eb', a chi' syal eb' d'a eb' yajal chi', yuj chi' lajan tz'aj spensar eb' tas syutej yixtan eb' yetanimail chi'.

Mt 26:15

Ix yalan vin̈ d'a eb' vin̈ icha tic: —Tato svac'och Jesús d'a yol e c'ab', ¿jantac tzin e tupu'? xchi vin̈. Yuj chi', 30 plata tumin ix ac'ji d'a vin̈ yuj eb' vin̈.

Josué 13:3

aton lum sb'atn̈ej d'a a' Sihor, d'a stojolal b'aj sjavi c'u d'a Egipto, masanto sc'och d'a smojonal yic Ecrón d'a stojolal norte, aton juntzan̈ lum chi' yic eb' cananeo. A d'a jun macan̈ chi' ay ovan̈ eb' vin̈ yajalil eb' filisteo, aton eb' vin̈ yajal yaj d'a Gaza, d'a Asdod, d'a Ascalón, d'a Gat yed' d'a Ecrón. Axo smacb'en eb' aveo

Jueces 14:15

Yuj chi' axo d'a schan̈il c'ual, ix yalan eb' vin̈ d'a ix yetb'eyum vin̈aj Sansón chi' icha tic: —Montej ab' d'a vin̈ etb'eyum chi' tas syalelc'och jun lolonel ix yal vin̈ d'ayon̈, slajvi chi' tzalan d'ayon̈. Tato maay, ol ach co n̈ustz'a yed' a mam a nun yed' masanil mach ayec' d'a yol a pat tic. Ichato ton̈ej tzon̈ eyavtejcot d'a tic, yic tze c'ananec' tas ay d'ayon̈, xchi eb' vin̈ d'a ix.

Jueces 16:4

Ix lajvi chi', ix ochpax spensar vin̈ d'a jun ix scuchan Dalila cajan d'a jun ch'olan scuch Sorec.

Jueces 16:6

Ix yalan ix d'a vin̈aj Sansón chi' icha tic: —Tzin tevi d'ayach, to tzal d'ayin b'ajtil scot jantac ip tic, ¿ay am val tas tz'aj a tzec'ji yic maxtzac yal-laj a colan a b'a? xchi ix d'a vin̈.

Jueces 17:2

A jun vin̈ chi', ix yal vin̈ d'a ix snun icha tic: —Ayic ix elc'ajel q'uen mil cien siclo plata d'ayach, ix a catab'ej jun elc'um chi'. Ix vab' alan juntzan̈ chi'. Palta a d'ayin ayec' q'ueen, a in ix velq'uej q'uen d'ayach, xchi vin̈ d'a ix snun chi'. Ix yalan ix snun vin̈ chi' d'ay: —Yac'ocab' svach'c'olal Jehová d'a ib'an̈ ach vune', xchi ix.

Jueces 3:3

Oye' chon̈ab'il eb' filisteo ixto cani yed' masanil eb' cananeo, eb' sidonio yed' eb' heveo, aton eb' ec'nac cajan d'a tzalquixtac d'a Líbano, sb'atn̈ej d'a jolom vitz Baal-hermón, masanto sc'och d'a Hamat.

A Ch'an̈ B'ab'el Libro Samuel 29:6

Yuj chi' ix avtajcot vin̈aj David chi' yuj vin̈aj Aquis chi', ix yalan vin̈: —Syil Jehová to te vach' a pensar. Ix scha val in c'ool a b'eyb'al ayic ach ec'n̈ej ved'oc. Malaj jab'oc a paltail ix vila' yictax ach javi d'a tic, masanto ticnaic. Palta a eb' vetyajalil tic, max schalaj sc'ol eb' tzach b'at qued' d'a oval.