Jueces 16:3 - Chuj San Mateo Bible

³ Palta axo vin̈aj Sansón chi', ix stan̈vej vin̈ yoch chimilac'val, ix q'ue vaan vin̈. Ix b'at vin̈ d'a spuertail chon̈ab' chi', ix schocanelta jun nivan puerta chi' vin̈ yed' smarcoal. Ix sjolom jen̈jab'an vin̈, ix b'at yac'ancan vin̈ d'a jolom vitz d'a yichan̈ Hebrón.

Chuj San Sebastian Bible

³ Ax Sansón 'ix stan̈wj yoch chim'ac'wal, 'ix q'ue wa'an. Xlajw cha, 'ix sto'n 'elt spuertail jun niwquil chon̈b' cha, smarcoal yet' yijul. 'Ix scan̈ q'ue 'a squelab'. X'at ya'nc can 'a sjolm jun lum witz 'a yojltac 'at Hebrón.

Jueces 16:3 Iomraidhean Croise

Salmos 107:16

A ix jecchitan q'uen puerta bronce, ix sc'occhitan q'uen yipumal spuertail chi'.

Miqueas 2:13

B'ab'el in b'at in pojan b'e d'a eyichan̈, a exxo tzac'an ex och vuuj. Axo eyel d'a sti' spuertail jun chon̈ab' yic tzex el d'a libre, aton jun chon̈ab' b'aj ix ex ic'jib'ati. A in Jehová in, e Reyal in, b'ab'el in b'at d'a eyichan̈, xchi Jehová.

A Tas Sc'ulejnac Eb' Schecab' Jesús Hechos 2:24

Palta axo Dios ix ac'an pitzvocxi. Ix yac'an ganar spitzvixi, yujto a chamel malaj tz'och d'ay.

Jueces 16:2

Ayic ix yab'an eb' aj Gaza chi' to ata' ayec' vin̈, ix yoyan sb'a eb' d'a spatictac pat chi', ix stan̈van spuertail chon̈ab' eb' d'a jun ac'val chi'. Numan yaj eb', ix smaclan eb' yec' ac'val chi'. Ix snaan eb' to a d'a q'uin̈ib'alil d'a junxo c'u ol smilcham vin̈ eb'.

Jueces 16:4

Ix lajvi chi', ix ochpax spensar vin̈ d'a jun ix scuchan Dalila cajan d'a jun ch'olan scuch Sorec.