Jueces 15:8 - Chuj San Mateo Bible

⁸ Ix cot val yoval vin̈ sic'lab'il, yuj chi' tzijtum anima ix smac'cham vin̈. Ix lajvi chi' ix b'at cajnaj vin̈ d'a q'uen n̈aq'ueen d'a Etam.

Chuj San Sebastian Bible

⁸ 'Ix cot wal yowl si'mb'il. Til wal 'anma 'ix smilcn chamoc. Xlajw cha, 'ix 'at cajn 'a q'uen n̈aq'uen 'a Etam.

Jueces 15:8 Iomraidhean Croise

Is 25:10

A Jehová ol tan̈van lum tzalan Sion tic. Yacb'an axo chon̈ab' Moab van stec'jiem d'a yed'tal icha tz'aj stec'jiem an̈ ac d'a scal stza' noc' noc'.

Is 63:3

Ix yalani: —Yujto ix in teq'uem juntzan̈ nación icha stec'jiel yal sat uva. A inn̈ej, malaj junocxo nación ix och ved'oc. Aycot voval ix in tec'anem eb' vajc'ool, yujto aycot yoval in c'ool d'a eb'. Icha chi' ix aj yoch chititoc schiq'uil eb' d'ayin, ix chic'ax in pichul tic.

Is 63:6

Yed' val yoval in c'ool, ix in tec'anem masanil nación. Ix in satanel eb' yed' voval, ix b'ey val schiq'uil eb' vuj d'a sat luum, xchi Jehová.

A Ch'an̈ Carta D'a Eb' Hebreo 11:34

Ay eb' ac'jinac tup juntzan̈ c'ac' te ov. Ay pax eb' colchajnaqueli ayic ijan smiljinaccham eb' d'a q'uen espada. A eb' malaj yip, ac'jinac yip eb', tec'an yutejnac sb'a eb' d'a oval, yuj chi' elnac lemnaj eb' soldado ch'oc chon̈ab'il d'a eb'.

Jueces 15:10

Ix sc'anb'an eb' vin̈ aj Judá chi' d'a eb' vin̈: —¿Tas yuj tzex javi eyac' oval qued'oc? xchi eb' vin̈. Ix tac'vi eb' vin̈ filisteo chi': —A vin̈aj Sansón tzul co yama', ol cac'anoch syaelal vin̈, yujto nivan chucal ix yac' vin̈ d'ayon̈, xchi eb' vin̈.

Jueces 15:11

Ayic ix yab'an jun chi' eb' vin̈ aj Judá chi', oxe' mil eb' vin̈ ix b'at ilan vin̈aj Sansón d'a q'uen n̈aq'ueen d'a Etam chi', ix yalan eb' vin̈ d'a vin̈: —¿Tom man̈ ojtacoc to ayon̈ och d'a yol sc'ab' eb' vin̈ filisteo tic? ¿Tas yuj tzac'och chucal d'a co cal yed' eb' vin̈? xchi eb' vin̈ d'a vin̈. Ix tac'vi vin̈ d'a eb' vin̈: —Icha in yutej eb' vin̈, icha pax ix vutej eb' vin̈, xchi vin̈.

Jueces 15:7

Ix lajvi chi', ix yalan vin̈aj Sansón chi' icha tic: —Yujto icha tic ix e c'ulej, yuj chi' man̈ ol in och vaan ex vixtani, masanto ol vac'canec' in pac d'ayex, xchi vin̈.

Jueces 15:9

Ix javi eb' vin̈ filisteo sb'oq'ue scampamento d'a yol yic Judá d'a slac'anil Lehi.