Jueces 1:3 - Chuj San Mateo Bible

³ Yuj chi' a eb' yin̈tilal Judá ix avtan eb' yin̈tilal Simeón, ix yalan eb' d'a eb' icha tic: Coyec qued' d'a lum luum ix ac'ji quiquej, ol cac'an oval yed' eb' cananeo cajan ta'. Ol lajvoc chi', ol on̈ ochpax eyed'oc ayic ol eyac'an oval yuj lum ol eyiquejpax chi', xchi eb'. Yuj chi' ix b'at eb' yin̈tilal Simeón chi' yed' eb'.

Chuj San Sebastian Bible

³ Yuj cha, ax eb' yin̈tl Judá, 'ix 'awtn jun 'in̈tal eb' yit chon̈b' yet'oc, atn eb' yin̈tl Simeón. Xyaln eb' 'a eb' 'ixtic: Coyc quet' 'a lum lum 'ix 'ajx quico'oc on̈, ca'c owl yet' eb' cananeo. 'Oj lajwc cha, ax qui 'at eyet' on̈, yic tzca'nec owl yet' eb' 'anma a lum e lum 'ix 'ajx eyico'oc, xchi eb'. Yuj cha, 'ix 'at eb' yin̈tl Simeón yet' eb'.

Jueces 1:3 Iomraidhean Croise

Gn 29:33

Ix lajvi chi' ix alji junxo yune' ix, Simeón ix yac' ix sb'iej, ix yalan ix icha tic: Ix yab' Jehová to chab'c'olab'il vaji, yuj chi' ix yac' junxo vune' tic, xchi ix.

A Ch'an̈ Schab'l Libro Samuel 10:11

Ix yalan vin̈aj Joab chi' d'a vin̈ yuc'tac chi' icha tic: Tato a eb' sirio chi' van in yac'an ganar, tzach cot in a colo'. Tato a eb' amonita chi' van ach yac'an ganar jun, a inxo ol in b'at ach in colo'.

Josué 19:1

Axo lum schab'il macan̈ ix och suerte d'ay, a d'a eb' yin̈tilal Simeón ix can luum, ato syal jay macan̈ yaj eb'. A slum eb' tic ix can d'a yol smacb'en eb' yin̈tilal Judá.

Jueces 1:17

Axo eb' yin̈tilal Judá yed' eb' yic Simeón, ix yac' oval eb' yed' eb' cananeo cajan d'a Sefat. Ix satel jun chon̈ab' chi' eb' d'a juneln̈ej, yuj chi' Horma ix sb'iejcan yuj eb'.

Jueces 1:2

Ix tac'vi Jehová icha tic: A eb' yin̈tilal Judá sb'ab'lajochi, yujto a d'a eb' ol ac'chaj luum, xchi.

Jueces 1:4

Icha chi' ix aj yac'an oval eb' yed' eb' cananeo yed' pax eb' ferezeo, axo Jehová ix ac'anoch eb' d'a yol sc'ab' eb'. A d'a Bezec ix ac'ji ganar 10 mil eb' cananeo yuj eb'. Ajun pax vin̈ sreyal Bezec chi' d'a scal eb'.