Jonás 1:8 - Chuj San Mateo Bible

⁸ Ix yalan eb' icha tic d'a vin̈: Al d'ayon̈ tas yuj sja jun tic d'a quib'an̈. ¿Tas opisio? ¿B'ajtil ix ach coti? ¿Tas sb'i a chon̈ab'? ¿Tas aji? xchi eb' d'a vin̈.

Chuj San Sebastian Bible

⁸ Yuj cha, xyaln eb' 'ixtc 'a 'a: —Al 'ayon̈ tas yuj tzjaw jun tic 'a quib'n̈ec. ¿Tas opiso, yuj cha, tzach cot 'a tic? ¿'Ajtil ach coti? ¿Tas sb'i a chon̈ab'? ¿Tas 'anmal ach? xchi ewin 'a 'a.

Jonás 1:8 Iomraidhean Croise

Gn 47:3

Ix sc'anb'an vin̈ rey chi' d'a eb' vin̈ icha tic: —¿Tas munlajelal syal eyuuj? xchi vin̈. Ix yalan eb' vin̈: —Mamin, a on̈ a checab' on̈ tic, molum calnel on̈ icha eb' co mam quicham.

Santiago 5:16

Yuj chi', al-lajec q'ueta e mul d'ayex junjun ex. Tzex lesalvi eyuj junjun ex, yic vach' ol b'oxoc e c'ool. A slesal eb' tojol spensar, tzijtum val tas sb'o yuuj.

Josué 7:19

Ix lajvi chi' ix yalan vin̈aj Josué d'a vin̈aj Acán chi' icha tic: —Ach vetchon̈ab', d'a yichan̈ Jehová co Diosal a on̈ israel on̈ tic, jichan val tzala' tas chucal ix a c'ulej, man̈ a c'ub'ejeli, xchi vin̈.

A Ch'an̈ B'ab'el Libro Samuel 14:43

Yuj chi' ix yal vin̈ d'a vin̈aj Jonatán chi' icha tic: —Al d'ayin tas ix a c'ulej, xchi vin̈. Ix yalan vin̈aj Jonatán chi': —Val yel ix vab'lej jab' noc' yalchab', ton̈ej ix in lab'ejem jun te te' d'a scal noc', ix in lec'ani, yuj chi' ina in tic chamoc in ocab'i, xchi vin̈.

A Ch'an̈ B'ab'el Libro Samuel 30:13

Ix lajvi chi', ix sc'anb'an vin̈aj David chi' d'a vin̈: —¿Mach a patrón? ¿B'ajtil cajan ach? xchi vin̈. Ix tac'vi vin̈: —A in tic aj Egipto in, schecab' in jun vin̈ amalecita, palta ix in penaayaxcani, yuj chi' chab'jitax in yactejcan vin̈ vajal chi'.