Ex 4:3 - Chuj San Mateo Bible

³ —Actejem te' d'a sat lum chi', xchi Jehová chi'. Ix yactanem te' sc'ococh vin̈ chi' d'a sat luum, elan̈chamel ix och te' chanil. Ayic ix yilan jun chi' vin̈aj Moisés chi', ix el lemnaj vin̈.

Chuj San Sebastian Bible

³ —Jul 'ejm te 'a sat lu'um, xchi Dios. Yuj cha, 'ix sjuln 'ejm Moisés sc'occh chi 'a sat lu'um, yajn̈j wal cha, 'ix 'och te chanil. Ax 'ix yiln Moisés to 'ixta jun cha, 'ix 'at 'elc yu'uj.

Ex 4:3 Iomraidhean Croise

Ex 4:17

Ic'b'at te' a c'ococh chi', yujto a te' ol ac'lab'ej ayic ol a ch'oxan juntzan̈ ch'oxnab'il ix val d'ayach.

Ex 4:4

Ix yalanxi Jehová d'a vin̈: —Yam sn̈e noc' chan chi', xchi. Ix syaman sn̈e noc' chi' vin̈, ix ochxi sc'ocochoc vin̈.

Ex 7:9

—Tato sc'an vin̈ rey chi' yil junoc ch'oxnab'il, tzalan d'a vin̈aj Aarón tic to syactejem te' sc'ococh vin̈ d'a sat luum d'a yichan̈ vin̈ rey chi', ol och te' chanil, xchi d'a vin̈.

Am 5:19

A d'a jun c'ual chi', lajan val ol aj eb' anima icha junoc mach tz'el lemnaj d'a junoc noc' choj, axo b'aj ayec' junoc noc' oso b'en̈ej sc'ochi, ma icha yic tz'och junoc mach d'a yol spat, tz'och ijan d'a sat q'uilab' yalani, axo pax junoc noc' chan schi'an ta'.