Ester 1:16 - Chuj San Mateo Bible

¹⁶ A val d'a yichan̈ masanil eb' molan chi', ix yalan vin̈aj Memucán d'a vin̈ rey chi' icha tic: —Mamin rey, a ix reina Vasti chi', man̈ocn̈ej d'ayach ix och smul ix, palta ix ochpax smul ix d'ayon̈ a on̈ nivac yajal on̈ tic yed' d'a masanil eb' vin̈ vinac ay d'a yol a macb'en tic.

Chuj San Sebastian Bible

¹⁶ Wal 'a sat smasnil eb' oyn 'ec' 'a jun cumjb'a cha, 'ix yaln Memucán 'a win rey chi 'ixtic: —A 'ix reina Vasti cha, man̈ cojnoc 'aych x'och stenmtacl 'ix, palta x'och pax smul 'ix 'a 'ayn̈ an̈ niwc yajl on̈ tic on̈, yet' pax 'a smasnil eb' winc 'ay 'a junjn niwc chon̈b' 'aych 'a yol a macb'en mamin rey.

Ester 1:16 Iomraidhean Croise

Esdras 4:6

Ayic ix schaanpaxel yich vin̈aj Asuero yac'an reyal, ix ac'vipax queja eb' ajc'ol chi' d'a spatic eb' cajan d'a Judá yed' d'a Jerusalén.

Ester 1:15

Ix sc'anb'an vin̈ d'a eb' vin̈ icha tic: —Icha syal co ley, naec ved'oc ¿tas yovalil tz'aj ix reina Vasti chi', yujto maj sc'anab'ajej in checnab'il ix, ix b'at yal eb' vin̈ in checab'? xchi vin̈.

Ester 1:17

A tas ix sc'ulej ix chi' ol yab' masanil eb' ix ix, ol sc'ayb'an eb' ix, man̈xa ol aj yelc'och eb' vin̈ yetb'eyum eb' ix d'a yol sat, ol am yalan eb' ix icha tic: A vin̈aj rey Asuero ix avtan ix reina Vasti, palta maj sc'anab'ajejlaj ix sb'ati, xcham eb' ix.

A Tas Sc'ulejnac Eb' Schecab' Jesús Hechos 18:14

Vanxo val yalan yic vin̈aj Pablo chi', palta ix yalan vin̈aj Galión chi' d'a eb' israel chi': —Man̈ ex avajochta d'ayin. Q'uinaloc ay junoc chucal sc'ulej vin̈ tic, mato ay junoc smul vin̈ te chuc d'a yichan̈ ley, tato icha chi' tzam in cha vab' tas tzeyala'.

A Tas Sc'ulejnac Eb' Schecab' Jesús Hechos 25:10

Axo ix yalan vin̈aj Pablo chi' d'a vin̈: —A d'a yichan̈ vin̈ cajal d'a Roma tzin c'anb'at in b'a. An̈ej ta' syal in ch'olb'itaji. Ina ojtac, malaj in mul ix och d'a eb' israel tic.