Dt 4:44 - Chuj San Mateo Bible

^44-45 (Aton val juntzan̈ checnab'il tic ix yal vin̈aj Moisés d'a eb' yetchon̈ab'. A jantac c'ayb'ub'al, cachnab'il yed' checnab'il tic ix yal vin̈ d'a eb' atax yelnaccot eb' d'a Egipto.

Chuj San Sebastian Bible

^44-48 'Elnctax eb' israel a Egipto, ax yic 'ayc' eb' 'a stojlal 'aj tzq'uel c'u 'a sc'axpil a Jordán 'a sla'nil chon̈b' Bet-peor, ata xya' Moisés jun tzo'n̈ checnb'il yet' cuynb'il tic 'a eb'. A jun lugar 'aj 'ay scamplamento eb' yic can win Sihón 'aj Hesbon, palta 'ix 'em win yuj Moisés yet' eb' israel. 'Ix 'em pax win Og 'aj Basán yuj eb'. 'Ix yica'an eb' slum eb' cha. A eb' chawn̈ rey tic ya'jnac eb' yajlil 'a lum lum 'ay 'a stojlal 'aj tzq'uel c'u 'a a Jordán. Tzcotn̈j lum 'a chon̈b' Aroer 'ay 'a span̈nil sti a Arnón, masnto tzc'och 'a jolm witz Sirión, an̈jtona Hermón sb'i lum witz chi yuj eb'.

Dt 4:44 Iomraidhean Croise

A Ch'an̈ Schab'il Libro Yic Yab'ixal Eb' Rey 17:37

An̈ejtona' tze c'anab'ajej masanil in c'ayb'ub'al, in checnab'il yed' cachnab'il tz'ib'yajcani. Man̈ ex och ejmelal d'a juntzan̈ comon dios.

Lv 27:34

A d'a jolom vitz Sinaí ix yac' juntzan̈ checnab'il tic Jehová d'a vin̈aj Moisés chi', yic chon̈ab' Israel yaji.

Malaquías 4:4

Naeccot in checnab'il vac'naccan d'a vin̈ in checab' aj Moisés, ayic ayec' vin̈ d'a sjolom lum vitz scuch Horeb. A juntzan̈ c'ayb'ub'al yed' checnab'il chi', smoj val to tze c'anab'ajej e masanil a ex israel ex tic.

Nm 36:13

Aton val juntzan̈ ley yed' checnab'il tic ix yac'can Jehová d'a vin̈aj Moisés yuj yalchaj d'a eb' israel, ayic ayec' eb' d'a yac'lical Moab, d'a sti' a' Jordán d'a yichan̈ Jericó.

Jn 1:17

A vin̈aj Moisés ac'jinaccan sley Dios d'ayon̈. Axo Jesucristo sch'oxan svach'c'olal Dios d'ayon̈, syac'an jun sc'ayb'ub'al te yel.

Dt 27:26

Catab'il mach max c'anab'ajan masanil schecnab'il Dios, xcham eb'. Axo masanil eb' chon̈ab' chi' tz'alani: Ujocab'i, xcham eb'.

Dt 27:8

B'at ta satc'olal eyuj e tz'ib'ancanoch masanil juntzan̈ checnab'il svalcan tic d'ayex d'a juntzan̈ q'uen b'aj ol eyac'och q'uen taan̈ chi'. Te vach' tzeyutej e tz'ib'ancanochi yic chequel, xchi vin̈aj Moisés chi'.

Dt 33:4

A jun ley svac'can tic, ichato smacb'en eb' yin̈tilal Jacob yaji.

Dt 4:43

A juntzan̈ chon̈ab' chi', aton Beser d'a yac'lical tz'inan luum macb'il yuj eb' yin̈tilalcan Rubén, Ramot d'a yol yic Galaad, macb'il yuj eb' yin̈tilalcan Gad. Axo junxo, aton Golán, ay d'a yol yic Basán, macb'il yuj eb' yin̈tilalcan Manasés.

Josué 12:1

Ay chavan̈ eb' vin̈ rey ix ac'ji ganar yuj eb' israel d'a stojolal b'aj sjavi c'u d'a a' Jordán. Masanil lum ix yic'can eb', sb'atn̈ej lum d'a a a' scuch Arnón masanto sc'och d'a jolom vitz Hermón yed' masanil span̈anil sti' a' Jordán d'a stojolal b'aj sjavi c'u.