Dt 33:6 - Chuj San Mateo Bible

⁶ Ix syamanoch vin̈ yalancan vach' lolonel d'a yib'an̈ junjun in̈tilal. Ix yalan vin̈ yuj eb' yin̈tilal Rubén icha tic: Ayn̈ejocab' ec' eb' yin̈tilal Rubén. Mocab' satel eb', mocab' quenn̈ejoc ol aj sb'isul eb', xchi vin̈.

Chuj San Sebastian Bible

⁶ 'Ix syamn 'och Moisés yaln can wach' paxti 'a yib'n̈ eb' yin̈tl Rubén 'ixtic: 'Ay cab' sq'uinl eb' yin̈tl Rubén, may cab' b'a'n̈ tzsatl eb', man̈ 'emtoc cab' sb'isl eb', xchi.

Dt 33:6 Iomraidhean Croise

Gn 35:22

Yacb'an cajan ec' eb' d'a jun lugar chi', axo vin̈aj Rubén, yuninal vin̈aj Israel chi' ix vay vin̈ yed' ix Bilha, schab'il yetb'eyum vin̈ smam chi'. Ix yab' vin̈aj Israel chi' tas ix sc'ulej vin̈ yunin chi'. Lajchavan̈ eb' vin̈ yuninal vin̈aj Jacob chi':

Gn 35:23

A eb' vin̈ yuninal vin̈ yed' ix Lea: Aton vin̈aj Rubén, vin̈ b'ab'el unin, vin̈aj Simeón, vin̈aj Leví, vin̈aj Judá, vin̈aj Isacar yed' vin̈aj Zabulón.

Gn 49:8

Ach vuninal Judá, ol alchaj val vach' lolonel d'ayach yuj eb' uc'tac tic. Ol ach och b'inb'in d'a sjaj eb' ayoch ajc'olal d'ayach. Ol em n̈ojjab' eb' uc'tac tic d'ayach.

Nm 1:5

Aton sb'i juntzan̈ eb' yajal yovalil scolvaj ed'oc tic: A d'a yin̈tilalcan vin̈aj Rubén, aton vin̈aj Elisur yuninal vin̈aj Sedeur. A d'a yin̈tilalcan vin̈aj Simeón, aton vin̈aj Selumiel yuninal vin̈aj Zurisadai. A d'a yin̈tilalcan vin̈aj Judá, aton vin̈aj Naasón yuninal vin̈aj Aminadab. A d'a yin̈tilalcan vin̈aj Isacar, aton vin̈aj Natanael yuninal vin̈aj Zuar. A d'a yin̈tilalcan vin̈aj Zabulón, aton vin̈aj Eliab yuninal vin̈aj Helón. A d'a eb' yin̈tilalcan vin̈aj José, a d'a eb' yic vin̈aj Efraín, aton vin̈aj Elisama yuninal vin̈aj Amiud, a d'a eb' yic vin̈aj Manasés, aton vin̈aj Gamaliel yuninal vin̈aj Pedasur. A d'a yin̈tilalcan vin̈aj Benjamín, aton vin̈aj Abidán yuninal vin̈aj Gedeoni. A d'a yin̈tilalcan vin̈aj Dan, aton vin̈aj Ahiezer yuninal vin̈aj Amisadai. A d'a yin̈tilalcan vin̈aj Aser, aton vin̈aj Pagiel yuninal vin̈aj Ocrán. A d'a yin̈tilalcan vin̈aj Gad, aton vin̈aj Eliasaf yuninal vin̈aj Deuel. A d'a yin̈tilalcan vin̈aj Neftalí, aton vin̈aj Ahira yuninal vin̈aj Enán, xchi Dios.