Dt 33:23 - Chuj San Mateo Bible

²³ Ix yalanpax vin̈ yuj eb' yin̈tilal Neftalí icha tic: A eb' yin̈tilal Neftalí tic, vach' yajcan eb' yuj svach'c'olal Jehová, yic eb' yaj lum tz'emc'och d'a sur d'a a' n̈ajab', xchi vin̈.

Chuj San Sebastian Bible

²³ 'Ix yaln 'ixtc 'a yib'n̈ eb' yin̈tl Neftalí: A eb' yin̈tl Neftalí, wach' yajcn eb' yuj Jehová, yujto til wal syaxilal xya'cn 'a yib'n̈ eb'. Yic eb' yaj a pama', masnto tzlajw c'och a 'a stojlal sur, xchi.

Dt 33:23 Iomraidhean Croise

Gn 49:21

A achxo tic ach Neftalí, libre aj icha junoc noc' cob'es c'ultaquil chej. A val vach' pensaril ol ala'.

Salmos 36:8

Tzon̈ b'ud'ji yuj jun nivan vael tzac' d'ayon̈. A a a' man̈xo jantacoc svach'il yuc'ji tzac' cuq'uej.

Salmos 90:14

Ac' tzalajb'oc co c'ool d'a junjun q'uin̈ib'alil yuj a vach'c'olal, yic tzon̈ b'itan d'a tzalajc'olal yacb'an pitzan on̈to.

Jeremías 31:14

A eb' sacerdote a val vael te vach' ol vac' sva eb', axo eb' in chon̈ab' ol yac' tzalajb'oc sc'ol yed' masanil tas ol vac' d'ay, xchi Jehová.

Mt 11:28

Cotan̈ec d'ayin masanil ex tz'el eyip e munlaji yed' ex te al eyaj yuj eyicatz, ol vac' eyic' eyip.

Mt 4:13

Man̈oc d'a Nazaret ix c'ochi, palta a d'a Capernaum, ata' ix c'och cajan. A jun chon̈ab' chi', a d'a sti' a' n̈ajab' ay. A d'a yol smacb'en eb' yin̈tilal vin̈aj Zabulón yed' vin̈aj Neftalí, ata' ay.

Mt 4:16

A eb' anima chi', ayto ec' eb' d'a q'uic'alq'uinal, palta ol yil jun saquilq'uinal eb' te nivan yelc'ochi. A eb' ayec' ta', ichato chamnac eb', palta ol c'och saquilq'uinal d'a eb', xchi d'a Slolonel Dios chi'.

Dt 33:24

Ix yalanpax vin̈ yuj eb' yin̈tilal Aser icha tic: Tzijtumocab' svach'c'olal Jehová syac' d'a eb' yin̈tilal Aser, xajanocab' eb' yuj eb' yetisraelal. Ochocab' eb' b'eyumal yuj yaceiteal te' olivo ay d'a sluum.