Dt 3:3 - Chuj San Mateo Bible

³ Icha chi' ix yutej Jehová co Diosal yac'an vin̈aj Og chi' yed' schon̈ab' d'a yol co c'ab'. Ix co milancham eb' smasanil, man̈xalaj junoc pitzan ix can cuuj.

Chuj San Sebastian Bible

³ 'Ixta wal xyutj Jehová qui Diosalec ya'n win Og 'a yol qui c'ab'ec yet' smasnil eb' soldado win cha. C'uxn 'ix qui milc can eb', man̈x 'a eb' xcan 'a spitznal cujec.

Dt 3:3 Iomraidhean Croise

Salmos 136:20

Yed' pax vin̈aj Og sreyal Basán, ic'jinaquel sq'uinal vin̈ yuuj, yujto ayn̈ej svach'c'olal d'a masanil tiempo.

Nm 21:35

Icha chi' ix aj scham vin̈aj Og yed' yuninal yed' masanil eb' soldado yuj eb' israel, man̈xo junoc eb' ix cani. Ix ochcan sluum eb' yicoc eb' israel chi'.

Dt 29:6

Maj e valaj ixim pan, maj eyuc'laj vino, ma yal sat te' avb'en te' pajb'inac, yic vach' snachajel eyuuj to a Jehová aton co Diosal.

Dt 3:2

Yuj chi', ix yalan Jehová d'ayin: Man̈ ex xivoc, yujto a jun vin̈ chi' yed' soldado yed' schon̈ab' toxo ix vac'och d'a yol e c'ab' yic tze sataneli, icha ix eyutej vin̈aj Sehón sreyal eb' amorreo cajan d'a Hesbón, xchi d'ayin.

Dt 3:4

Ix cac'anpax ganar masanil junjun chon̈ab' d'a yol smacb'en vin̈. Man̈xa junoc maj cac' ganar, syalelc'ochi, masanil yol yic Argob d'a yol smacb'en vin̈aj Og d'a Basán, 60 chon̈ab' chi' smasanil.

Dt 4:47

Icha chi' ix aj scan eb' israel d'a lum smacb'en vin̈aj Sehón chi' yed' d'a lum macb'il yuj vin̈aj Og sreyal Basán d'a yalan̈taxo. A eb' tic sreyal eb' amorreo d'a stojolal b'aj sjavi c'u d'a a' Jordán.

Josué 13:12

Ix yic'anpax masanil smacb'en vin̈aj Og sreyal Basán eb', vin̈ yac'nac reyal d'a Astarot yed' d'a Edrei, axon̈ej vin̈ cannac d'a scal eb' refaíta. A eb' tic ix ac'ji ganar eb' yuj vin̈aj Moisés, ix pechjipaxel eb' d'a sluum chi'.

Josué 13:30

A slum eb' chi' sb'atn̈ej d'a Mahanaim, aton lum yic vin̈aj Og sreyal Basán d'a peca' yed' pax chon̈ab' Astarot yed' Edrei b'aj ec'nac cajan vin̈aj Og chi'. Ix ochpaxcan nan̈alxo lum yic Galaad d'a yol smacb'en nan̈alxo eb' yin̈tilal Maquir. Axo 60 chon̈ab' d'a yol yic Basán chi', ata' ix can cajan eb' yin̈tilal Jair yin̈tilalcan Manasés. A eb' yin̈tilalcan Manasés chi', ay b'aj scuchpax eb' yin̈tilal Maquir, yujto a vin̈aj Maquir chi' yuninal vin̈aj Manasés.