Dt 27:9 - Chuj San Mateo Bible

⁹ A vin̈aj Moisés, ajun eb' sacerdote yin̈tilal Leví yed'nac vin̈, ix yalanxi vin̈ d'a eb' chon̈ab' chi' icha tic: Ex vetisraelal, numan tzex aji, ab'ec val tas ol vala': A ticnaic toxo on̈ och val schon̈ab'oc Jehová co Diosal.

Chuj San Sebastian Bible

⁹ Ax Moisés, ajun eb' ya'mal 'och sti eb' 'anma chi yet'oc, atn eb' yin̈tl Leví, 'ix yaln 'a eb' yit chon̈b' chi 'ixtic: Sictac tzex 'aji, macljec eyab' tas 'oj wala'. Yujto a ticnec, on̈ 'och schon̈b'oc Jehová qui Diosalec.

Dt 27:9 Iomraidhean Croise

A Ch'an̈ Schab'l Libro Samuel 7:24

Yujto a ach ix on̈ ac'och a chon̈ab'oc d'a juneln̈ej, yuj chi' a ach ix ach ochcan co Diosaloc.

Ro 6:22

Axo ticnaic, colchajnac on̈xo el d'a yol sc'ab' juntzan̈ chucal chi'. Man̈xa yalan yic d'ayon̈. Ix on̈ och schecab'oc Dios. Yuj chi' ay co ganar ticnaic, yujto ayoch co pensar d'ay. Axo co chaan co q'uinal d'a juneln̈ej.

Dt 27:10

Yuj chi' yovalil tze c'anab'ajej juntzan̈ checnab'il yed' juntzan̈ sc'ayb'ub'al Jehová svalcanel tic d'ayex, xchi vin̈.

Dt 27:8

B'at ta satc'olal eyuj e tz'ib'ancanoch masanil juntzan̈ checnab'il svalcan tic d'ayex d'a juntzan̈ q'uen b'aj ol eyac'och q'uen taan̈ chi'. Te vach' tzeyutej e tz'ib'ancanochi yic chequel, xchi vin̈aj Moisés chi'.