Dt 21:8 - Chuj San Mateo Bible

⁸ Mamin Jehová, ac' nivanc'olal d'a quib'an̈, mocab' ac'canoch schamel jun anima tic co muloc a on̈ a chon̈ab' on̈ colb'il on̈ tic uuj, xcham eb'. Icha chi' tz'aj sb'o yaj schamel jun chamnac chi'.

Chuj San Sebastian Bible

⁸ Mamin Jehová, 'ac' wal niwnc'ojlal 'a quib'n̈ an̈ a chon̈b' on̈ tic, yujto ach on̈ a col 'elta, man̈ a'ch jun mul tic 'a quib'n̈ yuj schic'l jun 'anma 'ix cham tic, sec man̈x 'a tas 'oj 'ajxoc yowlal, 'oj schic eb'.

Dt 21:8 Iomraidhean Croise

A Ch'an̈ Schab'l Libro Samuel 3:28

Ayic ix yab'an jun chi' vin̈aj David, ix yalan vin̈: Syil Jehová to a in tic yed' masanil eb' in checab' malaj calan quic d'a schamel vin̈aj Abner chi'.

A Ch'an̈ B'ab'el Libro Yic Yab'ixal Eb' Rey 2:31

Ix yalan vin̈aj rey Salomón chi': —Chamocab' vin̈ ta', ujocab' icha sgana vin̈ chi'. B'at a mucan snivanil vin̈ chi', yic vach' a schamel eb' malaj smul smilnaccham vin̈, man̈xooc d'a yib'an̈ vin̈ in mam yed' d'a vib'an̈ scani.

A Ch'an̈ Schab'il Libro Yic Yab'ixal Eb' Rey 24:4

yuj pax schamel eb' anima malaj smul d'a Jerusalén ix cham yuj vin̈. Yuj chi' majxo yac'laj nivanc'olal Jehová.

Salmos 19:12

¿Tom ay junoc mach syal yilan sb'a d'a spaltail? Mamin Jehová, ac' in nivanc'olal yuj juntzan̈xo in paltail max vil in c'ulani.

Jeremías 26:15

Palta, ojtaquejec val el sic'lab'il: Tato a ex yed' eb' anima tic tzin e milchamoc, ol och e mul yujto tze milcham junoc mach malaj smul. Yujto val yel, a Jehová ix checan val juntzan̈ lolonel tic, xin chi d'a eb'.

Ez 23:3

Yictax cob'es unin eb' ix, ix yac'anoch sb'a eb' ix ajmulal d'a Egipto. Ata' ix b'anji yim eb' ix, yuj chi' man̈xo cob'estacoc ix ajcan eb' ix.

Lv 17:4

palta max yic'cotlaj noc' d'a stielxo in cajnub' b'aj tzin ch'ox in b'a, yovalil man̈xa yalan yic d'a e cal. A jun chi' scotcan d'a yib'an̈, yujto ton̈ej stob'canem schiq'uil noc' ta'.

Jonás 1:14

Yuj chi' ix tevi eb' d'a Jehová, ix yalan eb' icha tic: Mamin Jehová, man̈ on̈ a satel yuj schamel jun vin̈ vinac tic, tato malaj smul vin̈ jun, comonoc max ac'can schamel vin̈ tic d'a quib'an̈, yujto a ach tic Jehová van a c'ulan icha tas nab'il uuj, xchi eb'.

Mt 23:35

Yuj chi', a d'a eyib'an̈ ol ja schamel masanil eb' tojol spensar ix miljicham d'a yolyib'an̈q'uinal tic, yictax ix cham vin̈aj Abel, jun vin̈ tojol spensar, masanto yic ix miljicham vin̈aj Zacarías yuninal vin̈aj Berequías. A vin̈aj Zacarías chi', ix miljicham vin̈ yuj eb' e mam eyicham chi' d'a snan̈al stemplo Dios yed' altar.

Dt 21:7

syalan juntzan̈ lolonel eb' icha tic: A on̈ tic, man̈oc on̈ ix co mac'cham jun anima tic, man̈ cojtacoc mach ix mac'anchamoc.