Dt 21:1 - Chuj San Mateo Bible

¹ Tato tz'ilchaj snivanil junoc anima d'a spatictaquel e chon̈ab' d'a lum luum ol yac' Jehová co Diosal eyiquej chi', man̈ chequeloc mach ix mac'anchamoc,

Chuj San Sebastian Bible

¹ Toto 'ay junc chamnc 'anma tz'ilchj sniwnal eyuj 'a sat lum lum 'oj yac' Jehová qui Diosalec eyico'oc, palta man̈ checloc mach tzmilni,

Dt 21:1 Iomraidhean Croise

Gn 4:10

Ix yalanpax Jehová d'a vin̈: —¿Tas yuj icha chi' ix a c'ulej? A schiq'uil vin̈ uc'tac ix em d'a sat lum tic uuj, ichato syal sb'a d'ayin to tzin b'o yaj ed'oc.

Salmos 5:6

Ol a satel eb' tz'esani. Tza chacancanel eb' ixtum anima yed' eb' milumcham anima.

Salmos 9:12

Man̈ ton̈ejoc tz'iljioch eb' milumcham anima yuj Dios, max b'atcanlaj satc'olal syaelal eb' ayoch d'a ilc'olal yuuj.

Pr 28:17

A eb' milumcham anima, yovalil schampax eb', man̈ smojoc to ay mach scolan eb'.

Is 26:21

yujto ol elta Jehová b'aj ay, yic syac'anoch syaelal masanil anima cajan d'a sat lum tic yuj schucal eb'. A lum luum tic man̈xo ol sc'ub'ejel eb' milb'ilcham d'a luum, palta ol checlajoc machtac miljinaccham eb'.

A Tas Sc'ulejnac Eb' Schecab' Jesús Hechos 28:4

Ayic ix yilan eb' aj chon̈ab' chi' to ix can chinan noc' d'a sc'ab' vin̈, ix yalan eb': —A jun vin̈ tic, tecan mac'umcham anima vin̈. Vach'chom ix yac' ganar vin̈ scolchaj d'a yib'an̈ a' mar tic, palta yovalil ol scha spac smul vin̈ chi', ol cham vin̈, xchi eb'.

Dt 19:10

Icha chi' ol e c'ulej, yic vach' man̈ comonoc ol cham junoc anima malaj smul d'a lum luum ol yac' Jehová co Diosal d'ayex, yic vach' max cotcan d'a eyib'an̈ yuj eb' anima scham chi'.

Dt 20:20

A pax te' comon te' max loji sat jun, tze ch'aquel te' yic tz'och te' e tec'nub'oc d'a spatictac jun chon̈ab' chi', masanto satel jun chon̈ab' chi' eyuuj.

Dt 21:2

a eb' vin̈ juez yed' eb' vin̈ yichamtac vinaquil juntzan̈ chon̈ab' ay d'a slac'anil jun chamnac chi', a eb' tz'echtani mach junoc juntzan̈ chon̈ab' chi' lac'an ay b'aj ix cham jun anima chi'.

Dt 3:18

A d'a jun tiempoal chi', ix vac' juntzan̈ checnab'il tic d'a eb' yin̈tilalcan Rubén, d'a eb' yic Gad yed' d'a nan̈alxo eb' yin̈tilalcan Manasés. Ix valan icha tic: A Jehová co Diosal ix ac'an jun luum tic e macb'enoc. Axo masanil eb' vin̈ vinac syal yac'an oval d'a e cal, b'ab'lajocab' eb' vin̈ d'a yichan̈ eb' quetisraelal tic.