Dt 2:30 - Chuj San Mateo Bible

³⁰ Palta a vin̈aj Sehón chi', maj yal-laj sc'ol vin̈ on̈ scha ec'ta d'a yol smacb'en chi', yujto a Jehová co Diosal ix ac'an sc'ulej vin̈ yic malaj sgana vin̈, yic scan eb' d'a yol co c'ab', icha chi' ix aji.

Chuj San Sebastian Bible

³⁰ Palta ax win rey Sihón cha, ma'ix yal sc'ojl win on̈ 'e'tec 'a sat slum cha, yujto a Jehová qui Diosalec, a x'a'n sna winac, to matz on̈ schajec 'e'ta, sec wach' tzcan win 'a yol qui c'ab'ec, 'icha ton wal wan yuj tic.

Dt 2:30 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:15

Ayic ix yilan eb' israel chi' to maj schalaj yab' vin̈ rey chi' tas ix yal eb', yuj chi' ix yalan eb' icha tic: Malaj calan quic d'a yin̈tilal vin̈aj David. Malaj junoc macan̈ on̈ tzon̈ can yed' yin̈tilal vin̈aj Isaí. Con̈ paxec d'a co pat. Olxo yilcan sb'a vin̈aj David yed' yin̈tilal tas sc'ulej, xchi eb'. Ix checjib'at vin̈aj Adoram yuj vin̈ rey chi' yic b'at lolon vin̈ yed' eb' israel chi', yujto a vin̈ ay yopisio scuchb'an eb' munlajvum yovalil smunlaji. Axo eb' israel chi', ix q'ue somnaj eb', ix sjulq'uenancham vin̈ eb'. Axo yic ix yab'an jun chi' vin̈aj Roboam chi', ix q'ue vin̈ d'a yol scarruaje, ix cot lemnaj vin̈ d'a Jerusalén. Ix lajvi chi', axo masanil macan̈il eb' israel ay d'a stojolal norte ix pax eb' d'a spat. Axon̈ej d'a eb' cajan d'a juntzan̈ chon̈ab' d'a yol yic Judá ix yac' reyal vin̈aj Roboam chi'. Ichaton chi' ix aj yic'anel sb'a eb' israel d'a yol sc'ab' yin̈tilal vin̈aj David. Icha chi' ix aj yelc'och tas yalnaccan Jehová d'a vin̈ schecab', aton vin̈aj Ahías aj Silo, yuj vin̈aj Jeroboam yuninal vin̈aj Nabat.

2 Cr 10:15

Maj schalaj yab' vin̈ rey chi' tas ix yal eb' anima chi', yujto a Jehová ix ac'an sc'ulej vin̈ yic vach' tz'elc'och tas ix schec yal vin̈aj Ahías aj Silo d'a vin̈aj Jeroboam yuninal vin̈aj Nabat.

Ex 11:10

A vin̈aj Moisés yed' vin̈aj Aarón ix laj sc'ulejn̈ej eb' masanil tastac ix laj alchaj tic to satub'tac d'a yichan̈ vin̈ rey, palta toton val a Jehová ix ac'ann̈ej pitb'oquel spensar vin̈ rey chi', yuj chi' maj actajel eb' israel yuj vin̈ d'a yol smacb'en chi'.

Ex 4:21

Ix yalan Jehová d'a vin̈: —Ayic ol ach c'och d'a Egipto chi', naann̈ej uuj to ol a ch'ox juntzan̈ ch'oxnab'il te satub'tac d'a yichan̈ vin̈ rey, aton juntzan̈ ix vac' a c'ulej. Palta a in ol vac' pitb'oquel spensar vin̈, yuj chi' man̈ ol ex schael-laj vin̈.

Ex 7:14

Ix lajvi chi', ix yalanxi Jehová d'a vin̈aj Moisés chi': —Ix pitb'iel spensar vin̈ rey chi', maj actajel eb' in chon̈ab' Israel yuj vin̈.

Is 48:4

Vojtac to te pit ex, max eyiq'uem e b'a, max ex q'uixvi jab'oc d'a vichan̈.

Lm 3:65

Ac' pitb'oquel spensar eb', tzac'anb'at catab' d'a yib'an̈ eb'.

Nm 21:23

Maj scha sc'ol vin̈aj Sehón chi' yec' eb' israel d'a yol smacb'en chi'. An̈ej to ix smolb'ej masanil eb' soldado vin̈, ix elta vin̈ yac' oval yed' eb' d'a tz'inan luum, d'a Jahaza ix yac' oval eb'.

Nm 21:33

Ix meltzaj eb', ix b'at eb' d'a stojolal lum Basán, palta ix elta vin̈aj Og sreyal Basán chi' yed' masanil eb' soldado yac' oval yed' eb' d'a Edrei.

Nm 21:34

Yuj chi' ix yal Jehová d'a vin̈aj Moisés chi' icha tic: Man̈ ex xiv d'a vin̈aj Og chi', a in ol vac'och vin̈ yed' eb' soldado yed' smacb'en tic d'a yol e c'ab'. Icha ix eyutej vin̈aj Sehón sreyal eb' amorreo ay d'a Hesbón, icha chi' ol eyutejpax vin̈aj Og tic, xchi d'a vin̈.

Dt 2:31

Yuj chi' yal Jehová d'ayin icha tic: A val d'a jun rato tic svac'och vin̈aj Sehón yed' smacb'en d'a yol e c'ab'. Ochan̈ec ticnaic d'a yol smacb'en tic, yic tz'ochcan eyicoc, xchi d'ayin.

Jueces 11:20

Palta maj schalaj yab' vin̈, maj chajiec'talaj eb' yuj vin̈ d'a yol smacb'en chi'. An̈ej to smolb'ej masanil eb' soldado vin̈, sb'oanq'ue scampamento eb' d'a Jahaza, yac'annac oval vin̈ yed' eb' co mam quicham chi'.