Dt 1:25 - Chuj San Mateo Bible

²⁵ Slajvi chi' yic'ancot eb' jab'oc sat tas avab'il d'a jun luum chi' d'ayon̈. A yuj tas yal eb' chi', yuj chi' nachajel cuuj to te vach' lum ol yac' Jehová co Diosal d'ayon̈.

Chuj San Sebastian Bible

²⁵ Xlajw yec' eb' yil lum lum cha, 'ix yi'n cot eb' sat te 'awb'ente 'ay 'a lu'um, 'ix ya'n eb' 'ayn̈ec. Xlajw cha, xyaln eb' 'ixtic: A wal lum lum chi tzyac' qui Diosalec quico'oc, caw wal wach' lu'um, xchi eb'.

Dt 1:25 Iomraidhean Croise

Ex 3:8

Yuj chi' ix in emuli, tzin colanel eb' d'a yol sc'ab' eb' aj Egipto chi'. Ol viq'uel eb' d'a jun lugar chi', ol vic'anb'at eb' d'a junxo lum luum yelxo te vach', levan, te yax sat. A eb' cajan d'a sat jun luum chi', aton eb' cananeo, eb' hitita, eb' amorreo, eb' ferezeo, eb' heveo yed' pax eb' jebuseo.

Nm 13:20

tato yax sat luum mato taquin̈. Tzeyilani tato ay ste'al luum. Tzeyac' eyip eyic'ancot sat tas avab'il d'a sat luum chi', tzeyic'cot jab'oc quila', xchi vin̈ d'a eb' vin̈. A d'a stiempoal sb'ab'el sat te' uva, ata' ix xid'ec' eb' vin̈ chi'.

Nm 13:27

Ix yalan eb' vin̈ d'a vin̈aj Moisés chi' icha tic: —Toxo ix b'at quil lum luum ix ala', val yel te vach' luum, te yax sat luum, ina sat tastac tz'el d'a sat lum tic.

Nm 14:7

Ix yalan eb' vin̈ d'a eb' anima smasanil icha tic: —A lum luum ix b'at quil chi', te vach' luum.

Dt 1:24

Aton eb' chi' b'at d'a tzalquixtac, sc'och eb' d'a sch'olanil Escol, yec'chaj eb' d'a juntzan̈ lugar chi' smasanil.

Dt 1:26

A exxo tic, maj yal e c'ol ex b'at d'a jun luum chi', palta to e tenec' tas yal Jehová co Diosal.