Apoc 16:8 - Chuj San Mateo Bible

⁸ Ix lajvi chi', axo jun schan̈il ángel ix secanem tas ayem d'a yol yuc'ab' d'a c'u. Yuj chi' ix ac'ji spoder c'u chi' sn̈usantz'a eb' anima yuj sc'ac'al.

Chuj San Sebastian Bible

⁸ Xlajw cha, ax jun schan̈l ángel, 'ix secn 'ejm sb'al svaso 'a yib'n̈ c'u. Yuj cha, x'ajx spoder c'u, yic tz'a eb' 'anma yuj sc'aq'uil.

Apoc 16:8 Iomraidhean Croise

Is 24:23

A d'a jun c'ual chi', a Jehová Yajal d'a Smasanil, ol yac' yajalil yed' jantac stziquiquial d'a tzalan Sion, aton d'a Jerusalén d'a yichan̈ eb' yichamtac vinaquil schon̈ab'. Yuj stziquiquial chi', a q'uen uj yed' c'u man̈xo ol checlaj yoc, ichato ol q'uixvoccanoc.

Jonás 4:8

Axo yic ix q'ue c'u, ix yac'ancot jun ic' Jehová te ov sc'ac'al d'a stojolal b'aj sjavi c'u, te ov ix em yoc c'u d'a sjolom vin̈aj Jonás chi'. Ix och ijan yel yip vin̈ yuj c'ac' chi'. Yuj chi' ix snib'ej cham sb'a vin̈. Ix yalan vin̈: —Más am vach' tzin chami, d'a yichan̈ pax to pitzan in, xchi vin̈.

Mt 13:6

Palta axo yic ix el yoc c'u, elan̈chamel ix tacjiel ixim, yujto malaj val sch'an̈al yib' ixim.

Lc 21:25

Ay pax juntzan̈ yechel ol sch'ox sb'a d'a c'u, d'a q'uen uj yed' d'a q'uen c'anal. Axo juntzan̈ nación, ol laj somchaj eb' yuj xivelal, yujto ol c'an̈ sq'ue vaan a' mar, ol c'an̈ pax yemxi pon̈naj a'.

A Tas Sc'ulejnac Eb' Schecab' Jesús Hechos 2:20

A c'u ol q'uic'b'oqueloc. Axo q'uen uj, te chac ol aj q'ueen icha chic'. Icha chi' ol ajoc ayic manto ja sc'ual yoval in c'ool a in Yajal in tic. A jun c'ual chi', te nivan yelc'ochi. Ol te sat sc'ool eb' anima yuuj.

Apoc 14:18

Ix elta pax junxo ángel b'aj ayoch jun altar. Aton jun chi' ay yopisio yac'an mandar jun c'ac'. Te chaan̈ ix yal d'a junxo ángel yamb'il jun sjochlab' chi' yuuj: —Ac'och a jochlab' jay ye chi', yujto a juntzan̈ uva d'a yolyib'an̈q'uinal, te stiempoxo, xchi.

Apoc 6:12

Ix vilani, ayic ix sd'in̈chitanel jun svaquil spixul chi', ix vab'ani, ix ec' jun nivan quixcab'. Axo c'u, ix q'uic'b'iel icha noc' lopil. Axo q'uen uj chac ix aj q'ueen icha chic'.

Apoc 7:16

Man̈xo ol yac'laj vejel, ma taquin̈tial eb'. Man̈xo ol tz'a eb' yuj yoc c'u. Man̈xa c'ac' ol yab' eb'.

Apoc 8:12

Axo ix spu'an yic jun schan̈il ángel chi', yed'n̈ej chi' quen man̈ nan̈aloc ix aj yixtax c'u, q'uen uj yed' q'uen c'anal. Quen man̈ nan̈aloc ix aj sq'uic'b'ieli. Yuj chi' junjun c'u, junjun ac'val, quen man̈ nan̈aloc ix aj sq'uic'b'ib'at q'uinal.

Apoc 9:2

Elan̈chamel ix sjac jun olan chi'. Axo ta' ix q'ueul jun nivan tab' icha stab'il junoc nivan horno. Ix te q'uic'b'iel yoc c'u yuj jun tab' chi'.