Apoc 10:10 - Chuj San Mateo Bible

¹⁰ Ix lajvi chi', ix in chaanec' ch'an̈ d'ay. Ix in c'uxan ch'an̈. Chi' julinac yochc'och ch'an̈ d'a yol in ti' icha yal chab', palta axo yol in c'ool te c'a ix aj yuj ch'an̈.

Chuj San Sebastian Bible

¹⁰ Xlajw cha, xin chan ch'an̈ un̈ chi 'a jun ángel cha. Xin c'uxni, caw chi x'och 'a yol in ti 'icha yalchab'. Ax 'a yol in c'ojol, caw c'a x'aji.

Apoc 10:10 Iomraidhean Croise

Salmos 104:34

Mamin, comonoc val stzalaj a c'ool yed' tas tzin na tic. An̈ej d'ayach ay in tzalajc'olal.

Salmos 119:103

Ec'b'al schi'al a lolonel d'a yichan̈ schi'al noc' yal chab' svab'i.

Salmos 19:10

Yelxo val te nib'ab'il d'a yichan̈ q'uen oro te vach'. Yelxo val te chi' d'a yichan̈ noc' yal chab' ayoch d'a yed'tal.

Pr 16:24

A lolonel vach', lajan icha schi'al noc' yal chab', tzon̈ tzalaj yuuj, syac'an co tec'anil.

Ez 2:10

Ix xuyanb'at jun chi' d'a vichan̈. Tz'ib'ab'il d'a schab'il pac'an̈. A tas tz'ib'ab'ilem chi' d'ay, aton yab'ixal cusc'olal, yaelal yed' xivc'olal ol ujoc.

Ez 3:14

Axo Yespíritu Dios ix in ic'anq'ue vaan, ix in yic'anb'ati. Te cusc'olal ix in aji, ix cot voval, ix in b'ati. Axo spoder Jehová ayoch d'ayin.

Ez 3:3

Elan̈chamel ix yal d'ayin: B'uq'uem jun tz'ib'ab'il ix vac' tic d'ayach, sb'ud'jicanel a c'ol yuuj, xchi d'ayin. Yuj chi' ix in b'uq'uemi, te chi' ix vab' icha noc' yalchab'.

Apoc 10:11

Ix lajvi chi', ix aljipax d'ayin: —Yovalil ol al junelxo tastac ol ja d'a yib'an̈ juntzan̈ anima, d'a yib'an̈ juntzan̈ nación, d'a yib'an̈ junjun macan̈ ti'al yed' d'a yib'an̈ eb' rey, xchi d'ayin.

Apoc 10:9

Yuj chi' ix in b'at d'a jun ángel chi', ix in c'ananec' jun ch'an̈ uum chi' d'ay. Axo ix yalan d'ayin: —Ina ch'an̈ tic. C'uxb'at ch'an̈. Te chi' ol aj yol a ti' yuj ch'an̈ icha noc' yal chab', axo yol a c'ool, te c'a' ol aj yuj ch'an̈, xchi d'ayin.