Saak 3:17 - Jola-Kasa

¹⁷ Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

Saak 3:17 Iomraidhean Croise

Máciya 23:28

Bukuluul foof kata tíyaŋuul, jinokoonokoo hákil ésukayi loon bukan kajake. Ban kata láalawuul li meeŋ dó búhoolo li uhoofoo.

Máciya 5:8

Awólo, kaŋalumuu kayinooliil feh kukaan li Ateemit, mata fan kubil kujuk Ateemit.

Máciya 5:9

Awólo, kakaanemuu min kásuumaay kubaj li bukanabuku, mata fan kuhooñi bañiil bata Ateemit.

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Lík akiic homuu 6:36

Jilako bukan kabaje káyiyen loon Atuubawuul abajumuu káyiyen.

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 1:47

Nan Yéesu ajukumuu Natanayeel li abil ájooŋoolul li akila, li alob moola aan: — An ata Isilayeel ata mal̥egen umme. Búhoolo banooban bulet li akila.

Bakaanelabu 11:24

Balunabaas lakankaan ánayine ásuume, an ata káyinen an Buyinumabu Banabaabu bulakowe li akila. Bukan kameeŋe li kubil kufamen káyinenumuu li Amaaŋenawu.

Bakaanelabu 9:36

Muñeˈe li baj li ésukayi yaaneyimuu Jofe anaale an koone Tabita áyinene li Amaaŋenawu. (Tabita ko kanolaku li «Dolukaas» li elobayi yata kata Gilees, yo yommuu «Huyamb»). Bulokool feh kakaan majake, li kalamben kusukateenabuku.

Kata Lom 12:18

Nokoomuu loon kayiliwuma, ban li ñooluul bale, jiloŋ li kásuumaay li bukanabuku feh.

Kata Lom 12:9

Jíbooliwoo li mal̥egen. Jitey majakut, ban kayinooluul feh li kulako kakaan majake.

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 6:6

Li jiloŋ buloŋ basete, ban li jibaj ehaasemiñ yabilumulo li Ateemit; li jiyili húmuñ ban li jísuum li bukanabuku; Buyinumabu Banabaabu bumbu li áloli, ban li jíbooli bukanabuku li mal̥egen.

2 Kata Koolent 7:11

Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

2 Kata Koolent 9:10

Ateemit asenemuu sígul anawu al̥ukemuu, ban li asenool sinaaŋasu san atiñemuu, fan asenuul sígul ban li akaan so sibukoo. Fan akaan macolamu mooluul mubaj ebukoolum yameeŋe.

Kata Efées 5:9

Mawuŋaamu mukaanekaan bukanabuku kulako bukan kásuume, kacole li kata mal̥egen.

Kata Fílib 1:11

Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

Kata Kolos 1:10

Alóli jil̥awel̥aw loon muñaˈa mantee bukuluul li jiloŋ loon Amaaŋenawu afañumuu, ban li jinaak jikaan nanoonan wahawu wásuumoolumuu. Bakaane banooban bajake bujow bujuki li buloŋabu booluul, ban li jinaak jihaŋ mahaas Ateemit jiyinno bo.

1 Kata Tesalonik 2:7

maayeet min áloli jiyiliyeenumuu jituuŋuul jíluukenoli, áloli jammuu Kufootal, jikaanut mo. Bale nan jilakomuu li bukuluul jíboobooluubooboo loon anaale ábooboolemuu bañoolool.

1 Tímote 5:21

Fan ilobi hákil Ateemit li Yéesu Kilisita, li foof hákil kumalakaaku kal̥usimuu eeni: ukaan loon kulimaku unku kulobumuu ban jakum ulaañ bata anoowan, jakum ujuke li buul.

2 Tímote 2:24

Ban aloka ata Amaaŋenawu aatut ámuy li an, bale laate ásuum li bukanabuku feh, ban li ayili aliikeniil hulimahu li ayili foof ámuñ kulimaku kajakutumuu.

Eleetalayi yan Fool akiicumuu Tit 1:15

Wahoowah feh useeset boot li bukanabuku kanabumuu. Bale bukanabuku kasikomuu ban li kuhoy báyinen, boot li buko bajut wah wasete, mata butuukowabu booliil busikosiko, uyinumawu wooliil foof li usiko.

Eleetalayi yan Fool akiicumuu Tit 3:2

Jakum kulob majakut kuya li an. Kootut kunaak kúmuyiten bukan, ban koote kukaan bukan kásuume. Koote kulako bukan kájoobiye uyinum nanoonan hákil bukanabuku feh.

Eébulo 12:11

Nan ommuu li ulakowaali kacolen, no unnu fan kaanolaal buyina, bale let nokoololaal loon ésuumansuum, bale fiyomuu, bukanabuku kan kucolenumuu loon muñaˈa, fan kujuk koon majakaamu mata kacolenaku unku, mo mommuu kásuumaay li buloŋ bacole.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

Saak 1:17

Mata busuuhen bajake li káji kanabe li emitayi ubilumule. Bata Ateemit Atuubaawu úwalowumulo, an emmuu mawuŋe manooman li akila mubilumulo. Ateemit akila anolawu boot nanoonan, ban élim elet li akila mata ábutooleliit.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

Saak 2:13

Mata Ateemit let áyiyen akila li batiib an áyiyeneliit bukan. Bale káyiyenaku fan kuheek batiibabu.

Saak 2:4

jikaanumuu loon muñowu, inti yo yommuu jijokejok kukee li bukuluul kuhaŋ kufaaliil? Inti yo yommuu foof jitiibetiib kufaaluul nab li uyinoolawu wooluul wajakutumuu?

Saak 3:15

Bújallo loon umbu inti li emitayi bubilumulo. Laalu bújallo bata adunaaye, bata hin bóono bata an, babilimulo li Sayitaane.

Saak 4:8

Jilohumuu Ateemit, fan alohuul. Jifos kuŋenuul, kuhoofoolaabuke! Jicolen uyinumuul, bukuluul játukutumuu li wah wano.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 2:1

Jihoy kama búl̥afut banooban, jabunt bukan, búhoolo, batii, li kúloboo bukan.

1 Fiyeel 2:18

Bukuluul jammuu kugoloola li siluuf, joote jítuul kunahaanabuku kooluul li ekole ló, ban inti kásuumumuu bale joote jítuul, bale jítuul foof kátaañimuu.

1 Saŋ 3:18

Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.