Saak 2:23 - Jola-Kasa

²³ Muñowu jówoolummuu min kulimaku kan Bakiicelabu bulobumuu kubaj, kaanumuu: «Abulaham láyinenyinen li Ateemit, mó lí múji Ateemit li ajokool an acole.» Ban mo foof mújimuu Abulaham li ahooñi abuke ata Ateemit.

Saak 2:23 Iomraidhean Croise

Maak 12:10

Inti jijangajanga Hulimahu unhe hata Ateemit, haanumuu: «Huyitikahu humum ho, han kuteefaabuku koonumuu hujakut, ho hubile huhaŋumuu májaliŋ kaaku feh.

Maak 15:27

Kusollaaliyaku li kubaaŋ li sikuluwa kúkuu kúl̥uba kukaan aahu kaŋen Yéesu káli, aahu kaŋenool kamay.

Hulimahu Hásuumaahu loon Lík akiic homuu 4:21

Muñeˈe Yéesu li aaniil: — Síyaatayi inye hulimahu unhe hakiicimuu han jijamumee, hubaje.

Bakaanelabu 1:16

— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

Kata Lom 11:2

Ateemit abetenut ésukayi yoola yan akila humumool al̥us nomuu ákibben. Manooman bukuluul humumuul jihaase waa Ateemit alobumuu li Bakiicelabu aya li Elí, nan al̥okoomuu mata kata Isilayeel asenool.

Kata Lom 9:17

Li Bakiicelabu, Ateemit lansaan ló áyiiyawu ata Ejíf: «Likaanikaan ulako áyii boot mata min íhiisum li awu sembaasu súmbaam, li boot mata min kajawaku kúmbaam kujamo tanootan li etaamayi.»

Kata Galasi 3:22

Bale Bakiicelabu bulollob kaanaku adunaayi foof yo feh amiikeel yoom ata kahoofoolaku. Wahawu unwu újimuu kájiyaku kan Ateemit alobumuu kasen, li kuseni káyinenumuu bale, humum hata min kúyinenumuu li Yéesu Kilisita.

Kata Galasi 3:6

Uŋalaal bukittenoolum li Abulaham: láyinenyinen li Ateemit, mó lí múji Ateemit li ajokool an acole.

2 Tímote 3:16

Bakiice banooban feh bukiicikiic li búlambenum bata Buyinumabu bata Ateemit, ban li bujak boot kaliiken mal̥egenamu, kajooŋulen, kacolen, li kaliiken bukan buloŋ bacole loon Ateemit afañumuu,

Saak 2:24

Muñeˈe jijuke, an li makaanelool majake láanumi lacoccol, inti li káyinenool bale.

1 Fiyeel 2:6

Li mal̥egenamu, kulimaku unke kulobimuu li Bakiicelabu: «Lil̥ul̥l̥us huyitik hatiineniye ŋáa’, han éemi li iwalen li ésukayi yata Siyoŋ. Huyitikahu unhu ho hutebumuu eluufayi feh. An ammuu áyinen li ho, let áyeko.»