Saak 1:26 - Jola-Kasa

²⁶ An ayinoomuu li aan ummu li bulok li mal̥egen boot li Ateemit, ban ayilaat ákaanum buu lalobemuu, wahoowah wan anawu ummu akaane hin kakaal̥o.

Saak 1:26 Iomraidhean Croise

Máciya 15:9

Kamanenaku kan kumanenewommuu hin kakaal̥o, mata siluwaasu san kukittenemuu bukanabuku, loon eenimuu sata Ateemit, siluwa sata bukan.»

Maak 7:7

Kamanenaku kan kumanenewommuu hin kakaal̥o, mata siluwaasu san kukittenemuu bukanabuku, loon eenimuu sata Ateemit, siluwa sata bukan.

Hulimahu Hásuumaahu loon Lík akiic homuu 8:18

«Kama jíkaanum buu jijantenemuu eeno! Mata an abajumuu wah, Ateemit fan afamenool. Bale an abajutumuu wahoowah, maayeet jatitaju jan ayinoomuu li aan jo labaje, Ateemit fan ayab jo.»

1 Kata Koolent 15:15

Nokoomuu loon mo, kama áloli foof jímalemal jil̥oof Ateemit, mata jonsoon layitenuuyitenul Kilisita li eketayi, ban kama ayitenumulootool li eketayi, nokoo loon mal̥egen kaketumuu let kuyitowumul li eketayi.

1 Kata Koolent 15:2

Li ho foof Ateemit áfakenumuulumuu, nokoomuu loon jijoojok ho loon liwaalewuul homuu. Letumuu mo, káyinenaku kooluul kubajut jáliŋ.

1 Kata Koolent 3:18

Jakum an li bukuluul abuntoolo. An li bukuluul ayinoomuu li aan lababbaj bújallowabu bata adunaayi inye, laate kama alaañenoolo an awele, bánum li alako li mal̥egen an ájallowe,

Kata Galasi 2:6

Bale mata kunahaanabuku umbuku kajokimuu loon bukan káamak — ban wahawu wan kulako nomuu, inti wo ubaje jáliŋ, mata Ateemit ájukeleliit li buul — bukanabuku umbuku kutuuŋutom ikaan wah ukee.

Kata Galasi 2:9

Muñeˈe Saak buko li Fiyeel li Saŋ, kajokimuu loon buko kommuu siyiilasu sata Ejanguwaayi, kuhahhaas koon Ateemit lasenonsen káji min ikaan bulokabu umbu. Mó mújimuu, li kúyaboli kuŋen ínje li Balunabaas, min kúhiis kaanaku dín dáno joom li buko, min lako áloli jijow jilok li bukanabuku kaletumuu kusuwif, buko li kujow kulok li kusuwifaku.

Kata Galasi 3:4

Soŋo wahawu wan bukuluul jikaanumuu feh, hin kakaal̥o? Iyilaat lako foof kakaal̥o.

Kata Galasi 6:3

An ayinoomuu li aan akila an áamak laam, ban kama alet wahoowah, anawu ummu okila abuntoolowe.

Kata Efées 4:29

Jakum kulim kajakut kúfulumul li utumawu wooluul, bale jinaak jilob kulim kásuume kata kawankulen bukan li káyinenaku kooliil. Koote kulako kulim kata kalamben anawu ajantenemuu li ko.

Kata Efées 5:4

Jakut foof min jinaak jilob kulim kata búsunnikoo, kulim kata bul̥uuhoo, mantee foof kúmalla kásuumut bajam. Kulimaku kooluul koote kulako kulim kata kasal Ateemit.

Kata Kolos 4:6

Kulimaku kooluul kujow kulako nanoonan kulim kásuume. Jihaas buu jóotimuu jinaak jibag anoowan jak.

Saak 1:19

Kutuyom, joote jihaas wahawu unwe jak! Anoowan li bukuluul laate anaak asommen ajanten hulimahu hata Ateemit, bale jakum ahi’ li élobul, jakum foof ahi’ li kawuñet.

Saak 1:22

Bale jakum jibuntoolo, li kajanten hulimahu hata Ateemit bale, ban let jikaan loon hulobumuu.

Saak 2:20

Búbaamowabe! Waa, lufañe min uhaas oon káyinen kanaboolut li makaane majake, kubajut jáliŋ?

1 Fiyeel 3:10

Bakiicelabu muñeˈe bulobe: «An afañumuu min aloŋ buloŋ bata kásuumaay, ban li afañ min kunakaku kata buloŋabu boola kúsuum, jakum alob kulim kajakut aya li an, jakum ámal.