Máciya 9:6 - Jola-Kasa

⁶ Bale, lifañe min ikaanuul min jihaas kaanaku Añool-An lababbaj li etaamaye kayile kata kabonket uhoofoo. Muñeˈe Yéesu li aan anawu abobomuu: — Uyito, uŋa’ bukal̥abu booli min ujow bóot.

Máciya 9:6 Iomraidhean Croise

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Máciya 9:2

Nan áliiŋumuu, li kúŋalulool an abobowe, ahintowe li bukal̥. Nan Yéesu ajukumuu káyinenaku kooliil, li aan anawu abobomuu: — Sákoli añoolom, uhoofoolawu wooli ubonketibonket.

Máciya 9:5

Waa uhaŋe másuum elob, kaan hubobahu: «Uhoofooli ubonketibonket» mantee kaanool: «Uyito min ujow?»

Máciya 9:7

Mal̥egen ánayinaawu li ayito ábalo.

Maak 2:10

Bale lifañe min jihaas kaanaku Añool-An lababbaj kayile li etaamaye kata kabonket uhoofoo. Muñeˈe Yéesu li aan ánayinaawu abobomuu:

Maak 2:7

— Buu ánayinaawu ummu akaañene alob loon muñaˈa? Lageggel Ateemit. Ayi ayilo abonket uhoofoolawu ábute li Ateemit?

Hulimahu Hásuumaahu loon Lík akiic homuu 5:21

Muñeˈe kaliikenemuu ésukayi eluwaayi yata Móyiis li Kufaaliisiyeŋaku li kunaak kugel̥l̥enoo koon: — Kama ánayinaawu ummu agelemuu li Ateemit, okila ammuu ayi? Ayi ayilo abonket uhoofoolawu ábuti li Ateemit balewool?

Hulimahu Hásuumaahu loon Saŋ akiic homuu 10:28

Li isen ko buloŋabu bábaneliitumuu. Let kubil kuket, ban an let ayili alam ko li kuŋenom.

Hulimahu Hásuumaahu loon Saŋ akiic homuu 17:2

Mata lusenoosen kayile li bukanabuku feh, mantee li asen buloŋabu bábaneliitumuu bukanabuku feh kan usenoolumuu.

Hulimahu Hásuumaahu loon Saŋ akiic homuu 5:27

Ban li asen Añiilawu kayile min atiib, mata akila ammuu Añool-An.

Hulimahu Hásuumaahu loon Saŋ akiic homuu 5:8

Yéesu li aanool: — Uyito uŋa’ kafeekaku kooli min ujow.

Bakaanelabu 5:31

Ateemit li ateben Yéesu, ban li aŋalool akaan kaŋen kúli. Li akaanool alako Anahaan áamak li Afakena, bájum kata Isilayeel li kuyili kútiiwo kuŋa’ buloŋ bawunkul, min uhoofoolawu wooliil ubonketi.

Bakaanelabu 9:34

Fiyeel li aanool: — Ene, Yéesu Kilisita lafakeni! Uyito ubooñ awu humumi bukal̥abu booli! Ene li ayaan ayito.

2 Kata Koolent 2:10

Anoowan an jibonkete wah wan akaane, ínje foof libonketool. Injé ibonketumuu, nokoomuu loon libabbaj wah wan eete ibonket, fan ibonket humum hooluul, hákil Kilisita,

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

Kata Efées 4:32

Anoowan li bukuluul laate ásuum li afaalool, ban li jíbooliwoo. Jibonketoo loon Ateemit abonketuulumuu humum hata hujokoolahu hooluul li Kilisita.

Kata Kolos 3:13

Jinaak jímuñoo, ban an li bukuluul bajumuu wah wan afaalool afete li akila li wo, li jibonketoo, loon Amaaŋenawu abonketuulumuu foof.