Máciya 9:18 - Jola-Kasa

¹⁸ Nan Yéesu alakomuu elobayi li buko, anahaan akee ata Kusuwifaku li ákoojulool, min ákuntuŋ hákilool, ban li aanool: — Jísungutaaju júmbaam jikitekit li jiket. Bale ubil min uŋa’ kaŋeni uwalen li akila, fan áliwo.

Máciya 9:18 Iomraidhean Croise

Máciya 14:33

Bukanabuku kalakomuu li busaanaabu li kúkuntuŋ hákil Yéesu min kumanenool koon: — Li mal̥egenamu awu ommuu Añiilawu ata Ateemit!

Máciya 15:25

Bale anaalaawu li abil ákuntuŋ hákil Yéesu min aanool: — Amaaŋen, ubonket ulambenom!

Máciya 17:14

Nan Yéesu li kúgoomaku kúhaajiyaku kúlaañulumuu boot ban búsukabu bulakomuu, ánayine akee li ákoojul Yéesu, ban li ákuntuŋ hákilool min aanool:

Máciya 20:20

Muñeˈe jaaw ata bañiilabu bata Sebede li ákoojul Yéesu li bañoolool ló, ban li ákuntuŋ hákilool boot kal̥awool wah ukee.

Máciya 28:17

Nan kujukumuu Yéesu li kúkuntuŋ hákilool min kumanenool. Bale kukee li buko li kúwettoo.

Máciya 8:2

Muñeˈe ánayine an háhaayee ejoke li abil boot tan Yéesu alakomuu, áŋejul li ákuntuŋ hákilool min aanool: — Anahaan, ufañumuu, luyilo ufakenom.

Máciya 8:25

Kúgoomaku koola li kujow kúliwool, ban li koonool: — Amaaŋen, ukaan min ufakaal! Ummu li újimaal.

Máciya 9:17

An áŋaleliit foof bunuk buwunkul akaan li situnfen sakete. Mata ukaan momuu, situnfenasu fan sifemb, min bunukabu búyuwo. Situnfenasu, so li sikajen. Bale fan uŋa’ bunuk buwunkul ukaan li situnfen siwunkul. To untu, situnfenasu let sikajen, bunukabu let búyuwo.»

Máciya 9:19

Yéesu li ayito anab li anahaanawu, akila li kúgoomaku koola.

Máciya 9:24

Muñeˈe li aaniil: — Jífu’. Jísungutaaju unju jiketut, bale jímoolimooli. Kalako tomuu li kúl̥uwool.

Hulimahu Hásuumaahu loon Lík akiic homuu 13:14

Bale anahaanawu ata eluufayi yata kal̥awaku súumutool min Yéesu afakenumuu anaalaawu li húyiiyaayahu hata Kusuwifaku. Muñeˈe anahaanawu li aŋa’ hulimahu li aan búsukabu: — Baje kunak hutok li hano nan bulok buyilo bukaani. Jibil li kunakaku unku min kufakenuul, bale inti li húyiiyaayahu!

Hulimahu Hásuumaahu loon Lík akiic homuu 18:18

Muñeˈe anahaan akee ata Kusuwifaku li agel̥l̥en Yéesu aanool: — Anahaan ajake, waa leete ikaan min ibaj buloŋabu bábaneliitumuu?

Hulimahu Hásuumaahu loon Lík akiic homuu 7:2

Li baj Káfeenawum anahaan ata kusollaali kata Lom abaje aloka an ábooliye ŋáa’. Alokaawu li ásomut boot eket.

Hulimahu Hásuumaahu loon Saŋ akiic homuu 11:25

Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Hulimahu Hásuumaahu loon Saŋ akiic homuu 11:32

Nan Mali áliiŋumuu tan Yéesu alakomuu ajow ajukool, li ajow ákuntuŋ li kootool ban li aanool: — Anahaan, ulakoweenumuu taate, áliinom let aketeen.

Bakaanelabu 13:15

Muñeˈe nan kujangamuu síliibalasu sata Eluwaayi kuban, kunahaanaku kata eluufayi yata kal̥awaku li kuboñ kujow kooniil: — Kútuyoli, jibajumuu kulim kata kawankulen bukanabuku, li jilob ko.

Bakaanelabu 28:8

Atuubaawu ata Fíbiliyus akila ló mahintowe. Bújuusa bujokool búgiiwoo ló li bílitaañi. Fool li ajow ajukool min al̥aw boot li akila, ban li aŋa’ kaŋenool awalenool téeti, li afak.