Máciya 9:15 - Jola-Kasa

¹⁵ Yéesu li aaniil: — Buu emmuu nokoo kubuke an ábutowe li kumommowool akila to li buko? Manooman hunakahu fan húliiŋ nan kommuu li kujok anawu ummu ábutomuu kújowetum. No unnu kommuu kumommowool.

Máciya 9:15 Iomraidhean Croise

Máciya 9:14

Muñeˈe kúgoomaku kata Saŋ Batiis li kubil kujuk Yéesu min kugel̥l̥enool koonool: — Wáa újiye áloli li Kufaaliisiyeŋaku li jinaak jimommo, ban kúgoomaku kooli kúmommoweliit.

Máciya 9:16

«An áŋaleliit hufalen hata kañ kawunkul min áfiboo kañ kuhaan. Mata akaan momuu, hufalenahu hawunkulahu fan huñakoo, li húlangul kañaku kuhaanaku min étaaŋayi ehaŋ maluuk.

Maak 2:19

Yéesu li aaniil: — Buu emmuu nokoo kubuke an ábutowe, li kumommo li hunakahu hata ébutowayi, akila to li buko? Abúwaawu aano tomuu li buko fiyo manooman, kubukewool let kuyili kumommo.

Maak 2:20

Manooman hunakahu fan húliiŋ, nan ábuwaawu ammuu li ájim li buko. No unnu kommuu li kukit kumommo.

Hulimahu Hásuumaahu loon Lík akiic homuu 17:22

Fúlum tó, li aan kúgoomaku koola: — Fan líiŋ nakee nan jommuu li jifañ jimaat maayeet hano li kunakaku kata Añool-An, bale let jimaat ho.

Hulimahu Hásuumaahu loon Lík akiic homuu 5:34

Yéesu li aaniil: — Mantee jiyilo jikaan bukan kahooñuli boot ébuto kumommo, ánayinaawu ammuu li ébutowayi akila to li buko?

Hulimahu Hásuumaahu loon Lík akiic homuu 5:35

Bale hunakahu fan húliiŋ nan ánayinaawu ammuu li ébutowayi ammuu ájim li buko. No unnu kommuu li kumommowool.

Hulimahu Hásuumaahu loon Saŋ akiic homuu 16:6

Bale min ilobuul momuu, wahawu unwu újimuu li jíyiyenoo.

Hulimahu Hásuumaahu loon Saŋ akiic homuu 3:29

Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

1 Kata Koolent 7:5

Jakum an li buko kúl̥uba ahoy min kuhinto li afaalool, mantee yo yommuu buko bajamoole min kukokkoben jakee min kunaak kul̥aw Ateemit. Bale fúlum tómuu, li kulaañen kuloŋ buloŋiil bata búyabo, jakum bil kúyiliyaati kujokoo min kusen Sayitaane bútin min abuutiil.

2 Kata Koolent 11:27

Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko.

Búhiisenumabu 19:9

Muñeˈe amalakaawu li aanom: — Ukiic: Awólo, bukanabuku kahooñimuu boot hutiñahu hata sinaaŋasu sata ébutowayi yata Agálalaanawu. Ban li afamen aan: — Laalu kulimaku kata mal̥egen kata Ateemit.

Búhiisenumabu 21:2

Muñeˈe li ijuk ésukayi yanabaayi, yammuu Yeelusalem yawunkulayi, li éwalowumul li emitayi bata Ateemit, majake loon anaale ajeˈe boot búyabo ásangenoolowe ajow ajak boot li áyinool.