Máciya 7:15 - Jola-Kasa

¹⁵ — Jíkaanum bukanabuku kaanemuu efulofet koom ban let mal̥egen. Kúlohuluulumuu, li kukaan loon buko bukan kajake, ban káta láalayiil, sijangibujal salume.

Máciya 7:15 Iomraidhean Croise

Máciya 10:17

Jíkaanum bukanabuku, mata fan kújowetumuul ban tiibemuu, ban li kuŋa’ kuul̥ min kutekuul li siluufasu sata kal̥awaku.

Máciya 16:11

Kama buu kaane jiyilaat jínaanum kaanaku ilet li elobuul mata kúmbuulu? Jíkaanum élebiilayi yata Kufaaliisiyeŋaku li Kusaduusiyeŋaku.

Máciya 16:6

Yéesu li aaniil: — Jijuke to ban li jíkaanum élebiilayi.

Máciya 24:11

Bukan kámale koon buko kufulofet koom, fan kúfulul ban fan kubunt bukan kameeŋe.

Máciya 7:14

Bale kámbiilaku kata buloŋabu, kuhohhog. Bútinabu foof bata buloŋabu búsengisengi éjowum. Bukanabuku kajukumuu bútinabu umbu bata buloŋabu kumeeŋut.

Hulimahu Hásuumaahu loon Lík akiic homuu 12:15

Yéesu li afamen aaniil feh: — Jijuke to ban li jíkaanum efanhubaj, mata buloŋabu bata mal̥egen bata an, bulet li ebajayi yoola, maayeet min akite abaj ŋáa’.

Hulimahu Hásuumaahu loon Lík akiic homuu 6:26

Iyénowuul, bukanabuku feh balobe majake kuya li bukuluul, mata muñaˈa situubayiil sihaan sinaake silobumuu majake siya li bukanabuku kanaake kúmalumuu koon kufulofet koom!

Hulimahu Hásuumaahu loon Saŋ akiic homuu 10:12

An amate min kucaamool, alet li mal̥egen amataawu, ban akilut kúgalalaanaku. Ajukumuu ejangibujal li ebil, li atey akat bo kúgalalaanaku, min ejangibujalayi ejok ko, min áji kó li kuyiisoo.

Bakaanelabu 13:40

Ban kama li jíkaanum, jakum bil wahawu wan kufulofetaku kulobumuu, ubajuul:

Bakaanelabu 13:6

Li kuliij étebelemukayi feh kujow boot Fafoos. Nan kúliiŋ bomuu, li kutook bo ájangafayinde akee an koone Baal Yéesu, asuwif anaake aan okila afulofet laam.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

Kata Fílib 3:2

Jijuke to bukanabuku kakaanemuu majakut, li kakaanemuu bulok bajakut, li kaluukenemuu ŋáa’ kateyen búkut.

Kata Kolos 2:8

Jíkaanum jakum bil an abuutumuul li Sihekej. Laalu émalimiñ yabilumulo li bújallo bata ál̥ahukowan, li sembaasu sata uyinumawu wajakutaawu wammuu li adunaayi, bale inti li Kilisita ebilumulo.

2 Tímote 3:13

Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil.

2 Tímote 4:3

Mata fan bil líiŋ taŋ yakee nan bukanabuku kootutumuu kufañ kujanten baliikenelabu bata mal̥egen, bale fan kunab li kásiibowaku kooliil, ban li kúhooñul kuliikena kameeŋe kubil kúguutiil min kulobiil wahawu wan kufañumuu min kujam.

2 Fiyeel 3:17

Bale bukuluul jammuu kutuyom kan iboolaat, muñeˈe jijame. Joote kama jíkaanum. Jakum jikat bukanabuku kaakutumuu esuuwum min kúguuhenuul, ban jakum jífu’ li huyitahu hooluul habajaahu sembe.

1 Saŋ 4:1

Kutuyom kan iboolaat, jíkaanum jakum jíyinen bukanabuku feh kaanemuu Buyinumabu bata Ateemit kooke. Bale jinaak jiyoob bukanabuku umbuku min jijuk mantee buyinumabu ban kookumuu li Ateemit bubilumulo. Mata bukan kameeŋe kámale koon kufulofet koom, kúfululo muñeˈe kóomi tanootan li adunaayi.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Búhiisenumabu 16:13

Muñeˈe li ijuk uyinum úhaaji wajakut wanokoole li sihool li úfulumul li butumabu bata éjunfuulayi, li bata énuukuleŋayi yákoyileniyaayi, li bata anawu ámalumuu aan afulofet laam.

Búhiisenumabu 17:6

Li ijuke, li ijuk kaanaku anaalaawu húsimahu hata bukanabuku kata Ateemit li hata bukanabuku kan kumukumuu mata káyinenaku kooliil li Yéesu kúji, húkaliyenookaliyen. Nan ijukoolumuu li isego ŋáa’.

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.

Búhiisenumabu 20:10

Muñeˈe li kujok Sayitaane anaake abuntiilumuu kubeten li buwokaay bata sambun li batolok básoyiye ŋáa’, dán énuukuleŋayi yákoyileniyaayi foof yommuu li anawu ámalumuu aan afulofet laam. Fan kúlaam dó ŋáa’ etihunaka kuban ehuka, boot nanoonan.