Máciya 5:30 - Jola-Kasa

³⁰ Li bil nokoo loon kaŋeni kúli koote kújiyi li ulo li kahoofoo, ufalen ko ubeten lóyiyi. Mata wah wano li eniili ukajenumuu, kóyume eniilayi yooli feh mabeteneli li sambunasu sáhokoweliitumuu.

Máciya 5:30 Iomraidhean Croise

Máciya 11:6

Awólo, anawu an bakaanelabu búmbaam bootutumuu búji li akat bo káyinenaku koola lí ínje.

Máciya 13:21

Bale emmuu Hulimahu hubajut kuhaa’ li anawu ummu, nan sílaamasu síŋejulumuu, jálaatenaju foof li jíliiŋul mata Hulimahu húji, li ayaan akat bo káyinenaku koola.

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Máciya 17:27

Bale awu ujow ubet kabuut li húwajahu. Jiwolaju játinaalaju jan ommuu újokul, li úŋaabul butumabu bata jo. Fan ujuk ló édalam yafame boot li búhalabu boolola bata Eluufayi yata Ateemit. Uŋa’ yo useniil, lako búhalabu boolola kúl̥uba jakum bil ufetaal li buko.

Máciya 18:8

«Li bil nokoo loon kaŋeni, mantee foof kaati kújiyi li ulo li kahoofoo, li ufalen wo ubeten lóyiyi. Kóyume min unoken li buloŋabu bábaneliitumuu li kaŋen kano ló, mantee foof li kaat kano ló, awu babaje uŋen úl̥uba mantee foof woot úl̥uba, ban li ubeteni li sambunasu sáhokoweliitumuu.

Máciya 22:13

Muñeˈe áyiiyawu li aan kulokaabuku koola: “Jijenk kootaku li kuŋenaku koola, ban li jitebool jibeten tíyaŋ li élimayi, ban jíl̥okaju jommuu, li sílaamasu.”

Máciya 25:20

Alokaawu ayabumuu sihanjalasu sata éwulusayi síteemeel hutokayi, li ákoojul min áhiisool sihanjal sakee sata éwulus soono síteemeel hutok ban li aanool: “Anahaan, sihanjal sata éwulus soono síteemeel hutok luseneenom eekeni. Bale ujuke, libajulobaj sihanjal sakee sata éwulus soono síteemeel hutok, ifamen to.”

Máciya 26:31

Nan kúliiŋumuu bata Huyuuyahu hata unuunukenawu waaneyimuu Olíibiye, Yéesu li aan kúgoomaku koola: — Li ehukaayi inye, wahawu wammuu li ubajom fan újiwuul foofuul feh li jikat bo káyinenaku kan jibajumuu lí ínje, mata kikkiic kaanaku: «Fan itek amataawu imuk, min kúgalalaanaku kata bumatabu kuyiisoo.»

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Máciya 5:29

Nokoomuu loon jíkilaju jooli jílilaju joote jíjiyi li ulo li kahoofoo, úkool̥ul jó ubeten lóyiyi. Mata wah wano li eniili ukajenumuu, kóyume eniilayi yooli feh mabeteneli li sambun.

Maak 9:43

Li bil nokoo loon kaŋeni koote kújiyi li ulo li kahoofoo, ufalen ko. Kóyume min unoken li buloŋabu bábaneliitumuu li kaŋen kano bale, awu babaje uŋen úl̥uba ban li ujow li sambunasu sáhokoweliitumuu, [

Hulimahu Hásuumaahu loon Lík akiic homuu 12:5

Bale boot min ihebuul ayi jóotimuu jíkoli. Jíkoli Ateemit ayilimuu amukuul aban li abetenuul li sambun. Li mal̥egenamu fan ilobuul, okila jóotimuu jíkoli!

Hulimahu Hásuumaahu loon Lík akiic homuu 17:2

Anawu ummu kóyumool min kukok kaneew li enuy kul̥oofool li ekondo’, ban li kuŋalool kujow kubeten li hal min akeel ló, akila bájiye akee li umbuku kakitemuu li kúyinen, li alo li kahoofoo.

Kata Lom 9:33

loon Bakiicelabu bulobumuu: «Boot min ikaan li ésukayi yata Siyoŋ huyitik dán bukanabuku kóomi li kunaak kujonten, húlankiin hájiye bukanabuku li kunaak kulo. Bale an áyinenumuu li ho, let áyeko.»

1 Kata Koolent 8:13

Wahawu unwu újimuu, kaanumuu loon eliw yan itiñe yóomi li éji atuyom li alo li kahoofoo, fan ikat kale bútokoñ eliw jakum íji atuyom li alo li kahoofoo.

Kata Galasi 5:11

Kutuyom, nokoomuu loon ínje liloŋe li iwaale mata katey búkut, wáa lí úji li kumit koono li kálaamenom? Nokoomuu loon mo, kama muñeˈe busiisijanabu babilummuu li eketayi yata Kilisita li ekuluwaayi, búfule.

1 Fiyeel 2:8

Bakiicelabu li boon foof tikee: «Huyitikahu unhu fan húji bukan li kujonten, li hoono húlankiin habete bukan.» Bukanabuku fan kujonten li ho mata kúyinenut li hulimahu, ban wahawu unwu kufimmuu min kukaani to boot.