Máciya 26:58 - Jola-Kasa

⁵⁸ Bale Fiyeel li alako lóyi min anaak ánabul li Yéesu, boot yok li ekaakayi yata eluufayi yata álambaawu ahaanawu. Nan áliiŋ dómuu, li abah áginnoo li kufooyaabuku min ajuk buu wahawu feh wóomi li úbanum eeno.

Máciya 26:58 Iomraidhean Croise

Máciya 26:3

Muñeˈe huhaanaahu hata élambaayi li kunahaanaku kata ésukayi, li kujoj li eluufayi yata anahaanawu ata kúlambaaku an koonemuu Kayif.

Máciya 5:25

Li bil nokoo loon an jibajoole, ban li ájowetumi li bútin, usommen jijamoo bukuluul li ejowayi boot bata tilibinaalayi. Ukaan mo jakum bil abeti li kuŋenaku kata atiibaawu, jakum bil atiibaawu aseni sandalum kukul̥.

Hulimahu Hásuumaahu loon Lík akiic homuu 22:54

Muñeˈe li kujok Yéesu ban li kújowetumool boot li eluufayi yata anahaanawu ata élambaayi. Fiyeel li alako lóyi min anaak ánabul li buko.

Hulimahu Hásuumaahu loon Saŋ akiic homuu 18:25

No unnu, Simoŋ Fiyeel okila li alako to kayiiñowaku. Li koonool: — Awu kele foof ulet akee li kúgoomaku kata ánayinaawu ummu? Bale Fiyeel li aceeŋ min aanool: — A’aa’, inti ínje.

Hulimahu Hásuumaahu loon Saŋ akiic homuu 19:6

Bale nan huhaanaahu hata élambaayi li kufooyaabuku kujeˈe kujukoolumuu, li kulob butiya koon: — Ubaaŋool li ekuluwa! Ubaaŋool li ekuluwa! Filat li aaniil: — Jiŋalool bukuluul humumuul jijow jibaaŋ li ekuluwa. Injé ijukut li akila butila banooban baate bújiwom li il̥oofool.

Hulimahu Hásuumaahu loon Saŋ akiic homuu 7:32

Kufaaliisiyeŋaku li kujam wahawu wan búsukabu bunaake búmummunoomuu mata Yéesu, muñeˈe huhaanaahu hata élambaayi li buko Kufaaliisiyeŋaku li kuboñ kufooyaabuku kata Eluufayi yata Ateemit boot kujow kújokul Yéesu.

Hulimahu Hásuumaahu loon Saŋ akiic homuu 7:45

Muñeˈe kufooyaabuku kata Eluufayi yata Ateemit li kulaañ boot bata huhaanaahu hata élambaayi li bata Kufaaliisiyeŋaku kúliiŋ, li kugel̥l̥eniil kooniil: — Wáa újiye jíŋaluloot Yéesu?

Bakaanelabu 5:22

Bale nan kufooyaaku kata hukul̥ahu kúliiŋumuu, kutookut kufootalaku li hukul̥ahu. Li kúlaañul boot bata hujojahu kúŋejul, li kooniil:

Bakaanelabu 5:26

Muñeˈe anahaanawu ata kufooyaabuku kata Eluufayi yata Ateemit, li aŋa’ bukanabuku koola min kujow kúlaañenul kufootalaku. Bale kúlaañenulootiil li sembe, mata kúkolikoli min ésukayi etekiil kuyitik.