Hulimahu Hásuumaahu loon Lík akiic homuu 4:20 - Jola-Kasa

²⁰ Fúlum tó, Yéesu li abooñ éliibalayi alaañen asen alokaawu ban li abah. Bukanabuku feh kalakomuu li eluufayi yata kal̥awaku li kuŋa’ kúkiliil feh kuya li okila.

Hulimahu Hásuumaahu loon Lík akiic homuu 4:20 Iomraidhean Croise

Máciya 26:55

Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.

Máciya 27:60

Nan Suseef al̥iimumuu ehuluŋayi aban, li aŋa’ yo ajow ahok li huyaakahu hoola, han akite li awok li hugisa. Ban, li abakken húlankiin háamak hujow húfib kánokenumaku kata huyaakahu, aban li ajow.

Hulimahu Hásuumaahu loon Lík akiic homuu 19:48

Bale kuhaasut buu kóomi li kukaan eeno, mata ésukayi feh enaanaak ejantenool ŋáa’.

Hulimahu Hásuumaahu loon Lík akiic homuu 4:17

Muñeˈe li kusenool éliibalayi yata afulofetawu. Li ábooñul yó, li ajuk tan kiicumuu kaanaku:

Hulimahu Hásuumaahu loon Lík akiic homuu 4:21

Muñeˈe Yéesu li aaniil: — Síyaatayi inye hulimahu unhe hakiicimuu han jijamumee, hubaje.

Hulimahu Hásuumaahu loon Lík akiic homuu 5:3

Li ájufo li bakee li usaanaawu, li lako bata Simoŋ. Li aan Simoŋ: — Uween bo búloyi jakee katantaku. Yéesu li abah li busaanaabu min alako kaliiken búsukabu Hulimahu hata Ateemit.

Hulimahu Hásuumaahu loon Saŋ akiic homuu 8:2

Li líiŋ hunak hukaten li bújom bíb, Yéesu li alaañ boot li Eluufayi yata Ateemit. Esúkayi feh li ebil ekoojool. Li abah min alakoyiil buliiken.

Bakaanelabu 16:13

Li líiŋ li húyiiyaayahu hata Kusuwifaku, li jífulul li ésukayi min jijow boot bata katantaku kata mul̥uuwamu, ban jinaake jiyinoomuu li joon fan jijuk bo tikee tan Kusuwifaku kul̥awe. Li jibah to min jilob li kanaalaabuku kawoog tomuu.

Bakaanelabu 3:12

Nan Fiyeel ajukumuu loon muñaˈa, li aan ésukayi: — Kutuyom kata Isilayeel, wáa újiye li jisego mata kafakaku kan ánayinaawu ummu afakumuu? Wáa újiye li jinaak jíjukeloli loon muñaˈa, loon eenimuu li sémbewoli jífakenume ánayinaawu ummu? Mantee foof loon eenimuu mata kátuulaku kan áloli jítuulumuu Ateemit, jíkaanume ánayinaawu ummu ajow?