Hulimahu Hásuumaahu loon Lík akiic homuu 3:19 - Jola-Kasa

¹⁹ Bale Saŋ Batiis li awataten águubelunaalawu Elod mata layayyab Elodiyaas, anaalaawu ata atuyool Fílib, Fílib okila li buloŋ, mata lakankaan foof wah wameeŋe wajakut afamen to.

Hulimahu Hásuumaahu loon Lík akiic homuu 3:19 Iomraidhean Croise

Máciya 11:2

Muñeˈe Saŋ Batiis li alako li hukul̥ahu, li ajam wahawu wan Kilisita alakomuu kakaanaku. Li aboñ kukee li kúgoomaku koola,

Máciya 14:1

No unnu, Elod alako nomuu águubelunaalawu ata Gálile, li ajam li kulob mata Yéesu.

Máciya 14:6

Bale nan hunakahu hawayil̥enumuu kabukiyaku kata Elod húliiŋumuu, ásungutaawu ata Elodiyaas li agom hákil ésukayi yan Elod áhooñulumuu, li súum Elod ŋáa’.

Hulimahu Hásuumaahu loon Lík akiic homuu 3:1

Muñeˈe li emitayi ekaatenayi yata Jáyiiyaju jata áyiiyawu áamakawu Tibeel, nan Fons Filat alako nomuu águubelunaalawu ata etaamayi yata Súde, Elod li alako anahaanawu ata etaamayi yata Gálile. Atuyool Fílib li alako anahaanawu ata etaamayi yata Itúle li yata Talakonit. Lisaniyaas li alako anahaanawu ata etaamayi yata Abilen.

Hulimahu Hásuumaahu loon Lík akiic homuu 3:18

Saŋ li alaañen awankulen ésukayi li wah wameeŋe, ban li alobiil Hulimahu Hásuumaahu.