Hulimahu Hásuumaahu loon Lík akiic homuu 23:4 - Jola-Kasa

⁴ Filat li aan huhaanaahu hata élambaayi li búsukabu: — Injé ijukut wah wan ánayinaawu umme akaane wajakut, waate úji li abaj katek.

Hulimahu Hásuumaahu loon Lík akiic homuu 23:4 Iomraidhean Croise

Máciya 27:19

Muñeˈe nan Filat abahumuu tan kutiibemuu bukanabuku, aseekool li áhebenul kubil koonool: «Jakum unoken li elobayi yata ánayinaawu ummu akaanutumuu wahoowah, mata síyaat li hukahu lílanlaam ŋáa’ li sísaahut mata akila áji.»

Maak 15:14

Filat li agel̥l̥eniil aaniil: — Kama waa lakaane wajakut? Bale bukanabuku li kuhaŋ mabaŋulo koon: — Ubaaŋool li ekuluwa!

Hulimahu Hásuumaahu loon Lík akiic homuu 23:22

Filat li alaañen alob búhaajut aan: — Kama waa lakaane wajakut? Ijukut li okila wah wajakut wan akaane waate újiwool li áati aket. Muñeˈe kama boot min ilob min kutekool kuban, li ikatenool.

Hulimahu Hásuumaahu loon Saŋ akiic homuu 18:38

Filat li agel̥l̥en Yéesu aanool: — Kama mal̥egenamu mo mommuu sum waa? Nan Filat alobumuu kulimaku unku aban, li alaañen áfulul ajow atook tíyaŋ Kusuwifaku min aaniil: — Injé ijukut li akila butila ban akaane, báami li bújiwom li il̥oofool.

Bakaanelabu 25:25

Bale ínje ijukut li akila wah wajakut waate úji li amuki. Bale emmuu akila humumool aane áyiiyawu áamakawu atiibool, li een kama iboñool o’.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

1 Fiyeel 1:19

bale húsimahu hatiineniyaahu hata Kilisita, ajokimuu loon ágalalaan atilut tanootan ban abajut foof humaw, húsimahu unhu ho Ateemit aŋalumuu min ahal boot li bukuluul.

1 Fiyeel 2:22

Kilisita akaanut kahoofoo. Amúsut abunt an.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.