Hulimahu Hásuumaahu loon Lík akiic homuu 18:13 - Jola-Kasa

¹³ Ayábabuhalabu okila li ayito lóyi, ban afanut akaañen ateb kúkilool ajuke emitayi. Bale li anaak atek li bagiŋool min aan: «Ateemit, úyiyenom, ínje ahoofoola.»

Hulimahu Hásuumaahu loon Lík akiic homuu 18:13 Iomraidhean Croise

Máciya 10:3

Fílib li Baatilime, Toma li Máciya ammuu áyababuhal ata Alife li Tade,

Máciya 6:5

— Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.

Máciya 9:13

Jijow jiŋes min jihaas waa Ateemit afañe alob li hulimahu unhe: «Inti usila sínuukuleŋ lifañe, bale lifañe min jinaak jíyiyen bukanabuku.» Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Maak 11:25

Nan jommuu jiyito boot kal̥aw wah Ateemit, nokoomuu loon babbaj an an jibajoole, jibonket anawu ummu kayitee Atuubawuul ammuu li emitayi li abonket foof uhoofoolawu wooluul.

Hulimahu Hásuumaahu loon Lík akiic homuu 17:12

Nan Yéesu anokenumuu li ésuk yakee, bukan koono kuŋen kan háhaayee ejoke li kubil kufam li akila. Li kuyito lóyi,

Hulimahu Hásuumaahu loon Lík akiic homuu 22:41

Fúlum tó, Yéesu li ayinno lóyi jatit, li ajow ákuntuŋ min al̥aw

Hulimahu Hásuumaahu loon Lík akiic homuu 23:48

Búsukabu feh babilumuu bajukabu bata min kommuu li kukaan Yéesu, li bujuk wahawu wabajumuu. Muñeˈe li kulaañ kujow bóot máyiyenoole min kunaak kutek li ugiŋawu wooliil.

Hulimahu Hásuumaahu loon Lík akiic homuu 5:8

Nan Simoŋ Fiyeel ajukumuu loon muñaˈa, li ákuntuŋ hákil Yéesu min aan: — Anahaan, úloyiyom, mata ínje ahoofoola.

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Kata Lom 5:8

Bale muñeˈe Ateemit áhiisolaalumuu buu lafañolaalumuu eeno: Kilisita lakeeket boot li alolaal, ban no unnu alolaal baloŋaale kuhoofoola.

2 Kata Koolent 7:11

Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

1 Tímote 1:15

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

Eébulo 4:16

Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.

Eébulo 8:12

Fan ibonket butilaabu booliil, uhoofoolawu wooliil wo fan imojen wo.»