Hulimahu Hásuumaahu loon Lík akiic homuu 15:21 - Jola-Kasa

²¹ Añiilawu li aan atuubawool: “Faafa, lihoofoohoofoo Ateemit, li ihoofooli foof. Itookut muñeˈe min ujokom loon ínje añooli.”

Hulimahu Hásuumaahu loon Lík akiic homuu 15:21 Iomraidhean Croise

Hulimahu Hásuumaahu loon Lík akiic homuu 15:20

Mal̥egen añiilawu li ayito alaañ boot bata atuubawool. «Nan añiilawu abilumuu abil, atuubawool li aŋandenool okila baloŋe li áloyi eluufayi, li áyiyenool ŋáa’. Li atey ajow kufam. Alíiŋ li aŋa’ kuŋenool agaabool ban li asaafool li ésuumahukow ló.

Hulimahu Hásuumaahu loon Lík akiic homuu 15:22

Bale atuubawool li aan kulokaabuku koola: “Jisommen jíŋalul kañaku kahaŋumuu majak jikaanool. Jikaanool ekob li husiik, li sidalla li koot.

Kata Lom 2:4

Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu?

1 Kata Koolent 8:12

Jihoofoomuu loon muñaˈa kutuyuul, ban li jiliiw uyinumawu wooliil wágootomuu, jihaas joon Kilisita humumool jihoofoole.