Hulimahu Hásuumaahu loon Lík akiic homuu 1:46 - Jola-Kasa

⁴⁶ Muñeˈe Mali li aan: — Lisale maluukamu mata Amaaŋenawu li yaalayi yúmbaam,

Hulimahu Hásuumaahu loon Lík akiic homuu 1:46 Iomraidhean Croise

Kata Lom 5:11

Tíjut tó, lubajaabaj ésuumansuum li Ateemit yabilumulo li Amaaŋenawu oololaal Yéesu Kilisita, ájimuu li ujamoolaal muñeˈe li Ateemit.

1 Kata Koolent 1:31

Mó mújimuu, loon bakiicelabu bulobumuu: «An afañumuu min asaloolo, laate kama asaloolo mata wahawu wan Amaaŋenawu akaanumuu.»

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

Kata Fílib 4:4

Jibaj nanoonan ésuumansuum mata min jommuu bukan kata Amaaŋenawu. Ilaañen ilob mo: Jibaj ésuumansuum.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

1 Fiyeel 1:8

Yéesu Kilisita an jíboolimuu bukuluul bajukutool, li jíyinen li akila maayeet min jijukolutoomuu, okila ájimuu li jibaj ésuumansuum yan an ayilaat alob mata yo, ban li éyiineni,