Kata Lom 11:24 - Jola-Kasa

²⁴ Li mal̥egenamu, awu jaan loom jata bunuunukenabu ban koonemuu óliibiye bata li bujal, dán Ateemit áfalenumulimuu abil akoten li búwoliibiyaabu bal̥ukimuu, ban inti mo fin kaane. Bale kusuwifaku buko kufimmuu min koono waanawu wata búwoliibiyaabu bal̥ukimuu. Mó mújimuu, Ateemit layilo alaañen akoteniil li bunuunukenabu bafimmuu min boono booliil, ban let hul.

Kata Lom 11:24 Iomraidhean Croise

Kata Lom 11:23

Kusuwifaku kukatumuu káyinenaatiyaku kooliil min kúyinen, Ateemit fan akoteniil tan kulakoweenemmuu. Ateemit layilo alaañen akoteniil.

Kata Lom 11:25

Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

Kata Lom 11:30

Naanaŋ bukuluul jítuulut Ateemit, bale muñeˈe Ateemit láyiyenuuyiyen mata kusuwifaku kútuulutool.