Kata Lom 11:11 - Jola-Kasa

¹¹ Muñeˈe li igel̥l̥en een: Mantee nan kusuwifaku kujontenumuu, kulolo hulo hata kale? Maayeet! Kulowut hulo hata kale. Bale bafetabu booliil bújimuu bukanabuku kaletumuu kusuwif li kubaj kafak, min jí kusuwifaku li kutahaay.

Kata Lom 11:11 Iomraidhean Croise

Hulimahu Hásuumaahu loon Lík akiic homuu 20:16

Fan abil, li amuk kulokaaku kata úbiiñawu min aŋa’ bul̥ibabu bata úbiiñawu asen kuloka kukee kooken. Nan bukanabuku kujamumuu kulimaku unku, li koon: — Ateemit jakum akat min wahawu úmus ubaj!

Bakaanelabu 13:42

Nan Fool buko li Balunabaas kulakomuu li kúfu’ li eluufayi yata kal̥awaku, bukanabuku li kooniil kubil kúlaañul li húyiiyaay haaha hata Kusuwifaku min kulaañen kulobiil kulimaku kanolaku.

Bakaanelabu 18:6

Bale Kusuwifaku li kuhoy kujam hulimahu hata Fool, min kunaak kugelool. Muñeˈe li ahank kafolaku kata wañawu woola aban li aaniil: — Jibanumuu li jíjim, li bukuluul bilume. Inti lí ínje. Ban muñeˈe boot min ijow bata kákaanumutumuu li Ateemit balewool.

Kata Lom 10:19

Li ilaañen igel̥l̥en een: Kama kata Isilayeel kúnaanumut? Kulimaku unke Ateemit ajandumuu álobum li Móyiis aseniil: «Injé fan ikaanuul jitahaay li bukan kalakoweenut no bukan kúmbaam. Fan ikaanuul jiwuñet ehet yata bukan kábaamowe.»

Kata Lom 11:1

Kama boot min igel̥l̥en een: Waa Ateemit labetembeten kata Isilayeel kammuu ésukayi yoola? Maayeet! Abetenutiil. Injé humumom an ata Isilayeel leem, bubukoolum bata Abulaham, ban li kalandaku kata Bayiseme lífulumulo.

Kata Lom 11:12

Ban nokoomuu loon hubajahu hata adunaayi hubilumbilum li bafetabu bata kusuwifaku, ban hubajahu hata bukanabuku kaletumuu kusuwif li hubilum li hulowahu hooliil, kama nan kusuwifaku foofiil feh kommuu li kufak, inti hubajahu fan huhaŋ maluuk?

Kata Lom 11:14

Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.

Kata Lom 11:31

Li manolamu, buko foof muñeˈe kútuulut Ateemit mantee Ateemit li áyiyenuul. Kama muñeˈe buko foof Ateemit layilo áyiyeniil.