Kata Efées 6:14 - Jola-Kasa

¹⁴ Kama jiyito lit. Jilako bukan kalobe mal̥egen, mata mal̥egenamu fan mulako husinjawumahu hooluul. Jilako bukan kacole, mata macolamu fan mulako loon kájufo kata mañ káhimene bagiŋabu booluul.

Kata Efées 6:14 Iomraidhean Croise

Hulimahu Hásuumaahu loon Lík akiic homuu 12:35

— Jikaano wañuul wata bulok, ban jakum jihok sihiitumasu sooluul.

Kata Lom 13:12

Hukahu huyiiliye, muñeˈe banakabu li búkatenul. Uhoyaal wahawu wakaaneyimuu li élim, min utebaal ujunkowawu waŋaleyimuu min tiik tihunak.

2 Kata Koolent 6:7

Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit.

Kata Efées 5:9

Mawuŋaamu mukaanekaan bukanabuku kulako bukan kásuume, kacole li kata mal̥egen.

Kata Efées 6:13

Wahawu unwu újimuu, jiŋa’ ujunkowawu feh wan Ateemit asenemuu jooken, jakum bil heekuul li jitey, bale min jiyito lit min jitiik boot yok li húbanumahu.

1 Kata Tesalonik 5:8

Bale alolaal bañiil bata etihunaka loomaal, ban ootut uwuuhenaal li wahoowah. Lootaale uŋalaal káyinenaku li húbooliyahu kulako ebangalayi yoololaal yaŋali kaan kájufo. Kákangumaku kata fan ufakaal ko kommuu li kulako káhandolaal kata mañ.

1 Fiyeel 1:13

Wahawu unwu újimuu joote jikaan to uyinumuul, ban li jíkaanum. Jiŋa’ kákangumaku kooluul feh jikaan li kájiyaku kan jommuu li jiyab nan Yéesu Kilisita ammuu li álaŋul.

Búhiisenumabu 9:17

Kahimmowaku unke lijukumuu li sifilinjebaasu li bukanabuku kalemboomuu li so. Sibangal sájunke loon sambun kookene, ban li síbuloo loon ayitik akee an koone safiil, li síniyoket loon efo’ yata éniyok yásufe. Kúkowaku kata sifilinjebaasu li kunokoo li kúkow kata síŋaŋ. Sambun li sinaak sífulumul li utumawu wata so, li hakoo, li batolok básoyiye.

Búhiisenumabu 9:9

Li bukaano li ugiŋawu wata bo wah ukee wanokoole loon sibangal sata mañ, ban kawelaku kata ubeyawu wata bo li kunokoo loon kawel kata sifilinjebe sameeŋe sañake sisaalet sata hutiik min sitey boot hutiik.