Kata Efées 4:31 - Jola-Kasa

³¹ Jakum baj li bukuluul bal̥eet, etindihuuñ, kawuñet, batalen, búgeloo li búl̥afut banooban feh.

Kata Efées 4:31 Iomraidhean Croise

Bakaanelabu 21:30

Esúkayi feh li éguul̥oo, min bukanabuku kunaak kúteyumul banooban. Li kujok Fool kúfuletum tíyaŋ eluufayi yata Ateemit, ban li kuyaan kusommen kubab wámbiilawu.

Kata Lom 3:14

Utumawu wooliil li umeeŋ kulim kajakut, kulim kásuumut bajam maayeet.

1 Kata Koolent 14:20

Kutuyom, jakum jinokoo li bañiil li mayinelamu mooluul. Nokoomuu loon mata kakaan majakut, jilako bañiil, bale loon mata kayinoo, jilako kunahaan.

1 Kata Koolent 5:8

Mó mújimuu, lootaale kama ukaanaal kagaanaku kata Faakayi, ban inti li kúmbuuluwaku kabajumuu élebiilayi yahaanayi, élebiilayi yata kákaanikoolaku li búl̥afutabu, bale li kúmbuulu kabajut élebiil, kúmbuulu kata maset, li mal̥egen.

2 Kata Koolent 12:20

Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.

Kata Galasi 5:20

kamanen wah walet Ateemit, kakaan jángafayinde, búlatoo, úmuy, batahaay, etindihuuñ, búhaŋoo, búceeŋoo, bugiiloo,

Kata Efées 4:22

Joote kama jikat baloŋelabu booluul buhaanabu bakajenemuu uyinumawu wooluul, ban li jífu’ li kásiibowaku kajakutumuu kanaake kubuntuulumuu.

Kata Efées 4:25

Mó mújimuu, jikat émalimiñ. Anoowan li bukuluul laate alob afaalool mal̥egen, mata alolaal feh ugeb wata eniil yano loomaal.

Kata Efées 4:26

Jiwuñetumuu, jakum jikaan kahoofoo. Jakum banakabu bulo, bukuluul baloŋe li jiwuñet.

Kata Kolos 3:19

Kánayinaabuke, jíbooli kuseekuul ban jakum jítaañi li buko.

Kata Kolos 3:8

Bale muñeˈe bukuluul jikat wahawu unwe feh: etindihuuñ, bal̥eet, búl̥afut, li kúloboo. Kulim kajakut jakum kúfulumul li butumuul.

1 Tímote 3:11

Li manolamu, kanaalaabuku foof kammuu kujaakul koote kulako kanaale kan ésukayi esuuwe, ban jakum kunaak kúloboo bukan. Kootut foof kuwuuhen li wahoowah, ban li kulako bukan kabajut búhoolo banooban.

1 Tímote 3:3

Jakum alako an ákaliyenoole mantee foof an ámuyitene bukan, bale laate akaan an ájoobiye buyinum ban li alako an abebene. Jakum lako an afañe sídalam ŋáa’.

1 Tímote 5:13

Ban foof, kubajutumuu bulok kakaan, li kunaak kunoonoo siluufasu. Bale wahawu wahaŋumuu májakaati, inti mata min kubajumuu bulok kakaan, bale élobulayi yameeŋaayi, elob waleewalet, ban li kunaak kulob silob satookutiil.

2 Tímote 2:23

Utey búwonnoolabu babajutumuu jáliŋ ban li busoŋet. Luhaase oon búŋaluleŋalul úmuy.

2 Tímote 3:3

Fan kútaañi, ban let kubaj káyiyen. Fan kunaak kúloboo bukan, ban li kunaak kukaan wah li sembe. Fan kúl̥afut ban let kufañ majake.

Eleetalayi yan Fool akiicumuu Tit 1:7

Li mal̥egenamu, anahaan ata ejangu an kusene bulok bata Ateemit, jakum an ajuk majakut li akila. Jakum alako an atebenoolowe, an ahile kawuñet, an ákaliyenoole, an ámuyitene bukan, ban jakum alako foof an aweelowe li sídalam.

Eleetalayi yan Fool akiicumuu Tit 2:3

Ulob kanaalaabuku foof kahallenumuu ooniil, baloŋelabu booliil boote bulako baloŋe bata bukan kasenoolowe boot li Ateemit. Jakum kunaak kúloboo bukan, jakum kunaak kúkaliyenoo. Kunaak kuliiken bukan wah wajake.

Saak 1:19

Kutuyom, joote jihaas wahawu unwe jak! Anoowan li bukuluul laate anaak asommen ajanten hulimahu hata Ateemit, bale jakum ahi’ li élobul, jakum foof ahi’ li kawuñet.

Saak 3:14

Bale nokoomuu loon li uyinumawu wooluul batahaay bajakut li búhaŋoo bóomi ló, jakum jisaloolo min joon jíjallojallo.

Saak 4:11

Kutuyom, jakum an alob majakut aya li afaalool. An alobumuu majakut aya li afaalool mantee foof li atiibool, anawu ummu majakut lalobe aya li eluwaayi, ban yo foof latiibe. Imban utiibumuu eluwaayi, ulet an akaane loon eluwaayi elobumuu, bale atiiba ata yo loom.

1 Fiyeel 2:1

Jihoy kama búl̥afut banooban, jabunt bukan, búhoolo, batii, li kúloboo bukan.

1 Saŋ 3:12

Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.

1 Saŋ 3:15

An alatumuu atuyool, anawu ummu amukabukan. Ban jihaase joon amukabukan abajut buloŋabu bábaneliitumuu li akila.

Búhiisenumabu 12:10

Muñeˈe li ijam li emitayi hulim li hulob butiya hoon: «Muñeˈe taŋayi yata kafakaku éliiŋe! Muñeˈe Ateemitawu oololaal láhiise sembaasu soola li jáyiiyaju joola! Muñeˈe huhaanaahu hunhu li kuŋenaku kata Afakenaawu ammuu oola! Mata anawu anaake ámalumuu akaan kutuyolaal kubetenoobeten tíyaŋ emitayi, akila anaake ayitomuu hákil Ateemit oololaal min ámal akaaniil etihunaka aban ehuka.