Hulimahu Hásuumaahu loon Saŋ akiic homuu 4:48 - Jola-Kasa

⁴⁸ Yéesu li aanool: — Bukuluul jijukutumuu búhiisenum li wah wájaahaleniye let jíyinen maayeet!

Hulimahu Hásuumaahu loon Saŋ akiic homuu 4:48 Iomraidhean Croise

Máciya 16:1

Kufaaliisiyeŋaku báhiise kaanaku sembaasu soola li Ateemit sibilumulo.

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Máciya 27:42

— Lafakenfaken bukan kukee, ban akitut ayili afakenoolo akila humumool. Inti akila ammuu áyiiyawu ata Isilayeel? Muñeˈe kama áwalowul li ekuluwaayi min úyinenaal li akila.

Maak 13:22

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan búhiisenum li bújaahalenum mata min kuyiliyeen, li kubunt bukanabuku kan Ateemit al̥usumuu kulako koola.

Hulimahu Hásuumaahu loon Lík akiic homuu 10:18

Yéesu li aaniil: — Lijuujuk Sayitaane li álowumul haatiya emitayi loon kawiwijen kata hufalajaj.

Hulimahu Hásuumaahu loon Lík akiic homuu 16:31

Bale Abulaham li aanool: «Kutuyi kujantenutumuu Móyiis li kufulofetaku, maayeet min an li kaketumuu ayitowulo min alobiil manooman mantee li kúyinen, bale let kúyinen.»

Hulimahu Hásuumaahu loon Saŋ akiic homuu 12:37

Maayeet min Yéesu akaanumuu úhiisenum wameeŋe wájaahaleniye hákiliil, Kusuwifaku kúyinenut li akila,

Hulimahu Hásuumaahu loon Saŋ akiic homuu 15:24

Let kubajeen butila bata kahoofoo, ínje bakaaneenut hákiliil bulokabu ban akee ábuto akanlelutumuu. Bale muñeˈe kujuke bulokabu búmbaam, ban li kulatom, li kulat foof Atuubawom.

Hulimahu Hásuumaahu loon Saŋ akiic homuu 2:18

Muñeˈe kunahaanaku kata Kusuwifaku li kugel̥l̥enool koonool: — Búhiisenum bájaahaleniye bay luyilo ukaan min úhiisoli kaanaku lubabbaj kakaañen min ukaan loon muñowu?

Hulimahu Hásuumaahu loon Saŋ akiic homuu 20:29

Yéesu li aanool: — Min ujukommuu mó mújimuu li úyinen? Awólo, káyinenumuu lí ínje buko bajukutom!

Hulimahu Hásuumaahu loon Saŋ akiic homuu 4:49

Anáyinaawu alokemuu bata áyiiyawu li aan Yéesu: — Anahaan ubil cab ujaˈa boot búmbaam, mata ubilutumuu añoolom fan aket.

Bakaanelabu 14:3

Bale Fool buko li Balunabaas li kulako Ikóniyom fiyo jakee. Li kunaak kulob li kabaneyiil, li káwoolu ló li Amaaŋenawu li wah wan an ajuulelut, min áhiis kaanaku kulimaku kan kuwaaleyemuu mata kájiyaku koola, mal̥egen.

Bakaanelabu 15:12

Muñeˈe ésukayi feh li elu min ejanten Balunabaas buko li Fool min kukitten wahawu feh wájaahalenimuu, li wajuulelutimuu wan Ateemit ákaanummuu li buko hákil bukanabuku kákaanumutumuu li Ateemit balewool.

Bakaanelabu 2:19

Fan ikaan bukanabuku kujuk búhiisenum haatiya emitayi, li bújaahalenum baabe li etaamayi: fan baj húsim, li sambun li ufaal wata hakoo.

Bakaanelabu 2:22

Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

Bakaanelabu 2:43

Ekole li elako li anoowan, mata Kufootalaku kunaanaak kukaan wah wameeŋe wájaahaleniye li búhiisenum bameeŋe.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Bakaanelabu 5:12

Muñeˈe kufootalaku.

Bakaanelabu 6:8

Emmuu Ecen lababbaj káji káamak hákil Ateemit li sembe, li anaak akaan wah wájaahaleniye ŋáa’ li búhiisenum báamak hákil ésukayi.

Bakaanelabu 7:36

Móyiis akila áfulenulumuu kata Isilayeel li etaamayi yata Ejíf. Láfulenumuliifulen ló li bakaane bájaahaleniye, li búhiisenum, li etaamayi inyu, tin husamuwahu Hájunkaahu, li híndo kayiinaayaku jow baj simit soono kúyii kúl̥uba.

Kata Lom 15:19

Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.

1 Kata Koolent 1:22

Kusuwifaku baate bújiyiil li kúyinen, kugilekaku buko li kuŋes bújallo.

2 Kata Koolent 12:12

Wahawu wáhiisumuu kaanaku afootal leem, li bukuluul likaan wo. Wo wommuu: húmuñ sílaam sanoosan, búhiisenum, bakaane bájaahaleniye, li wah wájaahaleniye.

2 Kata Tesalonik 2:9

Nan anawu ummu átuulutumuu Ateemit ammuu li abil li sembaasu sata Sayitaane, fan akaan wah wabaje sembe, li wah wájaahaleniye li búhiisenum banooban bájaahaleniye bata jabunt bukan.

Eébulo 2:4

Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.