Hulimahu Hásuumaahu loon Saŋ akiic homuu 3:21 - Jola-Kasa

²¹ Bale an anabe li mal̥egenamu, fan áfu’ alako li mawuŋe, bájum makaanelamuu moola li mujuki jak, min híis kaanaku mukaanikaan li húnongum hata Ateemit.

Hulimahu Hásuumaahu loon Saŋ akiic homuu 3:21 Iomraidhean Croise

Hulimahu Hásuumaahu loon Saŋ akiic homuu 1:47

Nan Yéesu ajukumuu Natanayeel li abil ájooŋoolul li akila, li alob moola aan: — An ata Isilayeel ata mal̥egen umme. Búhoolo banooban bulet li akila.

Hulimahu Hásuumaahu loon Saŋ akiic homuu 3:20

Li mal̥egenamu, anoowan feh akaane majakut, afañut mawuŋe ban let áfu’ alako li mawuŋe, jakum bil makaanelamu moola majakutumuu muhaasi.

Hulimahu Hásuumaahu loon Saŋ akiic homuu 5:39

Bukuluul fan jinaak jígituloo Bakiicelabu min jiliiken bo jak, mata jiyinooyinoo li joon fan jíbajum li bo buloŋabu bábaneliitumuu. Ban Bakiicelabu umbu humum bo, múmbaam bulobe!

Hulimahu Hásuumaahu loon Saŋ akiic homuu 7:17

An afañumuu min akaan wahawu wan Ateemit afañumuu, fan ahaas mantee baliikenelabu umbu li Ateemit bubilumulo, mantee li kajaw kúmbaam ínje humumom lílobume.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

Kata Galasi 6:8

An awañumuu wahawu wásuumumuu eniilayi, fan acac wahawu wan eniilayi ebukemuu. Wo wommuu eketayi. Bale an awañumuu wahawu wásuumumuu Buyinumabu Banabaabu, fan acac wahawu wan Buyinumabu Banabaabu bubukemuu. Wo wommuu buloŋabu bábaneliitumuu.

Kata Efées 5:9

Mawuŋaamu mukaanekaan bukanabuku kulako bukan kásuume, kacole li kata mal̥egen.

Kata Fílib 1:11

Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.

Kata Fílib 2:13

Li mal̥egenamu, Ateemit akaanumuu li bukuluul húfañum li kayile kata kakaan wah, naboo li húnongumahu hoola hajakaahu.

Kata Kolos 1:29

Wahawu unwu újimuu li éemi li kahanken min itaj, mantee li iyili ihabel ikaan bulokabu umbu li sembaasu sata Kilisita, sammuu li kakaan bulok báamak lí ínje.

Eébulo 13:21

Ateemit ajow akaanuul min jiyili jikaan wahoowah feh wajake, mantee li jikaan loon afañumuu. Ajow ájowum li Yéesu Kilisita akilimuu máyiineniyamu boot nanoonan, min akaan li ololaal wahawu wásuumoolumuu. Aameen!

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Saŋ 1:6

Nokoomuu loon loonaasoon lujamoolaajamoo li Ateemit ban li uloŋaal buloŋ bata élim, lúmalaamal. Ukaanutaal loon mal̥egenamu mulobumuu.

3 Saŋ 1:11

Atuyom an iboolaat, jakum uliikoo li wah wajakut, bale uliikoo li wah wajake. An akaane majake, Ateemit akilool, bale an akaane majakut, ahaasut Ateemit.

Búhiisenumabu 3:15

Lihaase wahawu wan ukaanemuu. Lihaase een awu újoobiwut, úsufut. Uyiliyeenumuu újoobi mantee foof li úsuk, li koy!