Hulimahu Hásuumaahu loon Saŋ akiic homuu 14:2 - Jola-Kasa

² Baje úfit wameeŋe li eluufayi yata Atuubawom. Leteenutumuu mo, fan ilobeenuul. Boot min ijow ikaan kulako ikat to boot li bukuluul.

Hulimahu Hásuumaahu loon Saŋ akiic homuu 14:2 Iomraidhean Croise

Hulimahu Hásuumaahu loon Lík akiic homuu 14:22

Li fiyo jatit, alokaawu li álaañul li aanool: «Anahaan, li kankaan wahawu wan oonommuu ikaan, bale baje síbahum sabajut bukan.»

Hulimahu Hásuumaahu loon Saŋ akiic homuu 13:33

Bañoolom, ilet li ilako li bukuluul fiyo. Fan ban li jiŋesom. Bale boot min ilobuul muñeˈe wahawu wan ilobumuu Kusuwif kaabuku. Let jiyili jijow tan ínje emmuu li ijow.

Hulimahu Hásuumaahu loon Saŋ akiic homuu 13:36

Simoŋ Fiyeel li agel̥l̥en Yéesu aanool: — Anahaan, kama bay lujowe boot? Yéesu li aanool: — Uyilaat únabul lí ínje muñeˈe boot ban ijowemuu boot, bale fan bil fiyo li únabul lí ínje.

Hulimahu Hásuumaahu loon Saŋ akiic homuu 14:28

Jijanjam min eenuulumuu: “Boot min ijow, ban fan ílaañul ilako li bukuluul.” Nokoomuu loon jifañonfañ, joote jibaj ésuumahukow mata min emmuu li ijow boot bata Atuubaawu, mata Atuubaawu lahaŋom.

Hulimahu Hásuumaahu loon Saŋ akiic homuu 16:4

Lilobuulob mo ikat to bájum nan taŋayi inyu yommuu li éliiŋ, li jíwayil̥o joon lilobeenuulob mo. — Ilobutuul mo yaan no li húkitumahu, mata li bukuluul lilakowe.

Hulimahu Hásuumaahu loon Saŋ akiic homuu 17:24

«Faafa, awu usenomiil, ban lifañe tan emmuu li ibil ilako, li kulako to foof lí ínje, bájum li kujuk máyiineniyamu múmbaam. Máyiineniyamu man usenommuu, mata lufañonfañ tówum adunaayi ejuul̥i.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

2 Kata Koolent 5:1

Luhaasaale li mal̥egenamu oonaal eniilayi yoololaal yata baabe li etaam yanokoomuu loon eluuf dán ukinaale, ebilumuu ekajen, fan ubajaal li emitayi eluuf yata boot nanoonan yan Ateemit ateefe, inti yan kuŋen kata bukan kuteefe.

1 Kata Tesalonik 5:9

Mata, Ateemit akaanutolaal to boot min ubil ubujaal katek li etindihuuñayi yoola, bale min úbajumaal kafakaku li Amaaŋenawu oololaal Yéesu Kilisita.

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eébulo 11:10

Abulaham kakob lalakowe ésukayi yabajumuu kuteef kuleeteema kalite malit, yan Ateemit humumool áami agangaawu li ateefaawu ata yo.

Eébulo 13:14

Mata ubajutaal li etaamaye bukin bata kale, bale bukinabu bammuu li ebil luŋesaale li bo.

Eébulo 6:20

Dó úndu Yéesu ajandolaalumuu ajow, anokenumuu boot li alolaal, ban li alako álamba áamak loon Melikisedek, boot nanoonan.

Eébulo 9:8

Buyinumabu Banabaabu búhihhiis to kaanaku, bútinabu bata dín haŋumuu máñeyi let búbabuli, bugebabu bútinaalabu bata kayuntaku bo to.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 21:2

Muñeˈe li ijuk ésukayi yanabaayi, yammuu Yeelusalem yawunkulayi, li éwalowumul li emitayi bata Ateemit, majake loon anaale ajeˈe boot búyabo ásangenoolowe ajow ajak boot li áyinool.

Búhiisenumabu 3:12

«An ammuu aheek, fan ikaanool alako yiil li Eluufayi yata Ateemit úmbaam, ban let abil áfulumul ló maayeet. Fan ikiic li akila kajawaku kata Ateemit úmbaam, li kata ésukayi yata Ateemit úmbaam, yammuu Yeelusalem yawunkulayi, yammuu li éwalowumul li emitayi bata Ateemit úmbaam. Fan ikiic li akila foof kajawaku kúmbaam kuwunkulaku.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.