Bakaanelabu 24:14 - Jola-Kasa

¹⁴ Bale boot eeni wahawu unwe wo mal̥egen: li bútinabu buwunkulabu ban kujokumuu loon bulet mal̥egen, linabe. Ban li eeno li bulok boot li Ateemit ata situubawolaal sihaan. Líyinenyinen li wahawu feh wakiicimuu li éliibalayi yata Eluwaayi.

Bakaanelabu 24:14 Iomraidhean Croise

Máciya 10:32

— An aanumuu hákil ésukayi feh: «Yéesu akilom», ínje foof fan ibil een hákil Atuubawom ata haatiya: «Ummu ínje ikilool.»

Máciya 22:40

Li siluwaasu unsu síl̥uba, siluwa saasu feh sata Móyiis sihajomuu, kulimaku kata kufulofetaku li so foof sihajomuu.

Máciya 7:12

«Wahoowah feh wan jifañe min bukanabuku kukaan boot li bukuluul, jikaan wo bukuluul humumuul foof boot li buko. Mata wahawu unwu eluwaayi li kulob mo foof.

Hulimahu Hásuumaahu loon Lík akiic homuu 1:70

Wahawu unwu Ateemit alobumuu nan fiyo, li kufulofetaku koola kanabaaku.

Hulimahu Hásuumaahu loon Lík akiic homuu 16:16

«Wahawu wakiicimuu li Eluwaayi hunhu li kawaaleyi, ban anoowan li aŋa’ sembewool min anoken li Jáyiiyaju.

Hulimahu Hásuumaahu loon Lík akiic homuu 16:29

Abulaham li aanool: «Kutuyi kubaje kulimaku kakiicimuu kata Móyiis li kufulofetaku, kujanga ko ban li kukaan loon kulobumuu.»

Hulimahu Hásuumaahu loon Lík akiic homuu 24:27

Fúlum tó, Yéesu li akitteniil wahawu feh walobimuu uya li okila li Bakiicelabu foof bo feh, kítum li síliibalasu sata Móyiis ló li sata kufulofetaku feh.

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Hulimahu Hásuumaahu loon Saŋ akiic homuu 1:45

Fúlum tó, Fílib li ajow ajuk Natanayeel min aanool: — Jijuke anawu an Móyiis alobumuu moola li éliibalayi yata Eluwaayi.

Bakaanelabu 10:43

Kufulofetaku feh kulollob moola koon anoowan ammuu li áyinen li akila, fan ábajum li kajawaku koola kabonket kata uhoofoolawu woola.

Bakaanelabu 13:15

Muñeˈe nan kujangamuu síliibalasu sata Eluwaayi kuban, kunahaanaku kata eluufayi yata kal̥awaku li kuboñ kujow kooniil: — Kútuyoli, jibajumuu kulim kata kawankulen bukanabuku, li jilob ko.

Bakaanelabu 15:5

Bale kukee li bukanabuku kata hujojahu hata kufaaliisiyeŋaku káyinenumuu, li kuyito min koon: — Fan jiteyen búkut bukanabuku feh káyinenumuu li Yéesu kaletumuu kusuwif, ban li jooniil kukaan loon eluwaayi yata Móyiis elobumuu.

Bakaanelabu 19:23

Muñeˈe no unnu, li baj búgugguloo báamak mata Bútinabu bata Amaaŋenawu búji.

Bakaanelabu 19:9

Bale kukee li buko kufañut kujam, min kuhoy báyinen ban li kunaak kulob kulim kajakut kuya li Bútinabu bata Amaaŋenawu hákil ésukayi. Muñeˈe Fool li ajow akatiil to, ban li aŋa’ kúgoomaku ájowetum, min anaak ajow awaale hunakoohunak li elekoolayi yata Tíilanus.

Bakaanelabu 22:14

Muñeˈe Ananiyaas li alaañen aanom: “Ateemit ata situubawolaal sihaan lal̥usil̥us akat to boot min uhaas húnongumahu hoola, li ujuk Yéesu acolumuu, ban li újamum li butumool hulimahu hoola.

Bakaanelabu 24:22

Muñeˈe águubelunaalawu Féeliis, agel̥l̥enumuu min ahaas jak mata «Bútinabu bata Amaaŋenawu», li ayinnen batiibabu bata Fool min aaniil: — Nan Lisiyaas, anahaanawu áamakawu ata esollaaliyayi ammuu li abil, li itiib elobayi yooluul.

Bakaanelabu 24:5

Jijuujuk joon ánayinaawu ummu busik. Lájiji Kusuwifaku feh kammuu tanootan li adunaayi li kúguul̥oo, akila ammuu anahaanawu ata hujojahu hata Kunasaleyeŋaku.

Bakaanelabu 25:8

Bale Fool li acahenoolo aan: — Ifetut li wahoowah li eluwaayi, ifetut foof li áyiiyawu áamakawu.

Bakaanelabu 26:22

Bale Ateemit li afooyom boot yok síyaat, min iloŋ li éemi taate li elob bukanabuku feh moola, bajut añiil, bajut anahaan. Ilobut wah ukee úbuti li wan kufulofetaku, koonumuu woote ubaj.

Bakaanelabu 26:27

Agilifa, inti lúyinenyinen kulimaku kan kufulofetaku kulobumuu? Lihaase een líyinenyinen ko!

Bakaanelabu 26:4

«Kusuwifaku feh kuhaase buu liloŋumuu eeno kábilum ínje áfulawu. Kuhaase foof buu liloŋumuu yaan no li húkitumahu li bukanabuku kúmbaam, li híndo Yeelusalem.

Bakaanelabu 26:6

Ban muñeˈe li éemiyi li batiib mata min iyaakaalumuu li hulimahu han Ateemit alobumuu kakaan sítuubawoli sihaan.

Bakaanelabu 28:22

Bale jifaañe min awu humumi úloboli min jijam kayinooli, mata jihaase kaanaku tanootan bukanabuku kuhoohoy hujojahu unhu dán ommuu.

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Bakaanelabu 5:30

Ateemit ata situubawolaal sihaan, layitenuuyitenul li eketayi Yéesu, an jimukumuu li ekuluwaayi dán jibaaŋoolumuu.

Bakaanelabu 7:32

“Injé emmuu Ateemitawu ata situubayi sihaan. Injé emmuu Ateemitawu ata Abulaham, ata Isaak li ata Sakob.” Móyiis li ateelen kateelen kata kákoli, ban akaañenut alaañen ajuke.

Bakaanelabu 9:2

Nan áliiŋumuu, li alobool min asenool sileetal sammuu síjiwool li ayili anoken li siluufasu sata kal̥awaku.

Kata Lom 1:9

Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul

Kata Lom 3:21

Muñeˈe Ateemit láhiisolaahiis buu lakaanewolaamuu ulakowaal bukan kacole hákilool, ban inti li búkaanum bata eluwaayi bulollob mo foof.

1 Kata Koolent 11:19

(Wáa úji? Li mal̥egenamu, éetiseeti baj bugiiloo li bukuluul, mantee bukanabuku káyinenumuu li mal̥egen li kuhaasi.)

Kata Galasi 5:20

kamanen wah walet Ateemit, kakaan jángafayinde, búlatoo, úmuy, batahaay, etindihuuñ, búhaŋoo, búceeŋoo, bugiiloo,

2 Tímote 1:3

Nanoonan nan ilakowe kal̥aw etihunaka iban ehuka, fan iwayil̥oyi ban li isal Ateemit an ilokemuu boot li akila li buyinum basete, loon situubawom sihaan sinaake sikaanumuu.

Eleetalayi yan Fool akiicumuu Tit 3:10

An agiiloole bukan, fan ujand ulobool ñano, akatutumuu li ulobool búl̥ubut, fúlum tómuu jakum ubaj wahoowah li anawu ummu.

1 Fiyeel 1:11

Buyinumabu bata Kilisita li buko bulakowe, ban li bulobiil búkibben mata sílaamasu san Kilisita ammuu li álaam, li mata máyiineniyamu mammuu li múnabul li só. Li kulako huŋes boot min kuhaas taŋayi li waa wommuu li ukaan, nan wahawu wan Buyinumabu bulobiilumuu wommuu li ubaj.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.