Bakaanelabu 23:35 - Jola-Kasa

³⁵ li aanool: — Fan ban li ijanteni min ulob, nan bukanabuku kal̥oofimuu kommuu li kúŋejul. Ban li alob min kuŋa’ Fool kukaan li káyiiyaku kata Elod min kufooyool ló.

Bakaanelabu 23:35 Iomraidhean Croise

Máciya 2:1

Yéesu li abuki li ésukayi yata Betilehem, li etaamayi yata Súde, nan Elod alako nomuu áyii. Muñeˈe kánayine kájallowe, li kubilumul akiw min kujow boot Yeelusalem.

Máciya 2:16

Nan Elod ajukumuu aan kánayinaabuku kájallomuu kubuntoobunt, etindihuuñ yáamak li ejokool. Muñeˈe li aboñ kujow kumuk bañiilabu báyinaabu feh bata ésukayi yata Betilehem, li bata sísukasu sakooj yomuu, kabajumuu simit síl̥uba wálowul teetaam. Lalollob mo naboo li taŋayi yan kánayinaabuku kájallomuu kuloboolumuu, nan ewuutayi éfululumuu.

Máciya 2:3

Nan áyiiyawu Elod ajamumuu loon muñaˈa, li aliiwo, akila li bukanabuku feh kata Yeelusalem.

Máciya 27:27

Muñeˈe kusollaaliyaku kata Filat li kújowetum Yéesu boot li eluufayi yata águubelunaalawu. Húmimahu hata kusollaali kaaku feh li hubil húguutool.

Hulimahu Hásuumaahu loon Saŋ akiic homuu 18:28

Fúlum tó, li kúŋalum Yéesu bata Kayif kújowetum boot bata eluufayi yata águubelunaalawu, yaan no li bújom bíb. Bale kunahaanaku kata Kusuwifaku kunokenut li eluufayi jakum bil kusiko, mantee li kuyili kutiñ hutiñahu hata Faakayi.

Bakaanelabu 23:30

Muñeˈe li ijam kaanaku Kusuwifaku kúsonoosonoo boot jamukool, li iyaan een kama íboñuliwool, ban li ilob foof Kusuwifaku kal̥oofoolumuu, kúŋalul elobayi boot booli.»

Bakaanelabu 24:1

Nan bajumuu kunak hutok, álambaawu áamakawu Ananiyaas li ajow boot Sesaale okila li kunahaan kukee, li akooŋena akee an koone Teelitulus. Kúliiŋ, li kújowetum elobayi yan kubajumuu li Fool boot bata Agúubelunaalawu Féeliis.

Bakaanelabu 24:10

Muñeˈe águubelunaalawu li áyiit Fool kaŋen min aanool álobul. Fool li aan: — Lihaase een muñeˈe baje simit nan óomi atiibaawu ata etaamayi inye. Mó mújimuu, li kákangumaku kan ibajumuu li awu, léetummuu ilob kulimaku unke min icahenoolo.

Bakaanelabu 24:19

Bale Kusuwif kukee kata etaamayi yata Aasi to kulakowe, ban buko kooteenumuu kubil kuyito hákili min kul̥oofom, nokoomuu loon babbaj wah wajakut wan ikaane wan kóomi li kulob kuya lí ínje.

Bakaanelabu 24:22

Muñeˈe águubelunaalawu Féeliis, agel̥l̥enumuu min ahaas jak mata «Bútinabu bata Amaaŋenawu», li ayinnen batiibabu bata Fool min aaniil: — Nan Lisiyaas, anahaanawu áamakawu ata esollaaliyayi ammuu li abil, li itiib elobayi yooluul.

Bakaanelabu 24:23

Muñeˈe Féeliis li alob anahaanawu ata kusollaali téemeel, min akat Fool li hukul̥ahu ban jakum kujenkool, ban li kukat bukanool min kulambenool li wah wan afañe.

Bakaanelabu 25:16

Li eeniil kata Lom kúbeteliit an an koone majakut lakaane, li kuŋen kata kutiiba, anawu ummu báfimboolut li bukanabuku kaanumuu majakut lakaane mata min kutalen, mantee li ayili acahenoolo mata wahawu wajakutumuu wan koonumuu wo lakaane.