Bakaanelabu 18:18 - Jola-Kasa

¹⁸ Fool li afiyo jakee li ésukayi yata Koolent. Fúlum tó, li akat to kutuyool min ájufo li ébato min ajow boot li etaamayi yata Siili, akila li Filisila li Akilaas. Fool li ámiito átowum ájufo li kásikaku kata Sankile, mata babbaj wah wan alobe kakaan hákil Ateemit.

Bakaanelabu 18:18 Iomraidhean Croise

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Maak 6:46

Nan Yéesu alobumuu búsukabu min buyiisoo aban, li aŋito li huyuuyahu ajow ló kal̥aw.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 15:23

Muñeˈe li kukiic kulimaku unke kuseniil kújowetum: «Kufootalaku li kunahaanaku kata ejanguwayi, li kutuyuul kusaafuluul feh, bukuluul jammuu kutuyiil káfummulomuu li kákaanumutumuu li Ateemit balewool, kakinumuu Antiyok, li etaamayi yata Siili li yata Silisi.

Bakaanelabu 15:41

Fool li ájowum li etaamayi yata Siili alo li yata Silisi, min anaak awankulen sijanguwasu li káyinenaku kan sibajumuu.

Bakaanelabu 18:2

Li kujukoo bo li asuwif feh kúfu’ li ésukayi yata Lom. Fool li ajow ajuk Akilaas buko li Filisila.

Bakaanelabu 18:26

Li anaak alob li mal̥egenool li eluufayi yata kal̥awaku yata Kusuwifaku. Nan Filisila buko li Akilaas kujamoolumuu li alob, li kuŋalool kújowetum booliil, kujow kukittenool Bútinabu bata Ateemit haŋ macol.

Bakaanelabu 18:27

Fúlum tó, Afolos li abaj kayinoo kata ejow boot li etaamayi yata Akaay. Kutuyool kata káyineniil kano li kuwankulenool, ban li kukiic eleetal kuboñ bukanabuku káyinenumuu kata etaamayi inyu, bánum li kuyabool jak. Nan áliiŋ bómuu, li alamben ŋáa’ bukanabuku káyinenummuu li káji kata Ateemit,

Bakaanelabu 21:23

Muñeˈe kama ukaan wahawu wan jommuu li jilobi. Jibaje taate kánayine kubakii kalobe hákil Ateemit wah wan kufañe min kukaan.

Bakaanelabu 21:24

Uŋa’ kánayinaabuku umbuku újowetum, min kúgiileni li mano li buko, ban li ucaam wahawu wan kooteenumuu kucaam to, min kuyili kúmiito kumulunduŋ. Muñowu ésukayi yóotummuu ehaas kaanaku wahawu feh wan kulobumuu kuya li awu let mal̥egen, bale awu humumi lulolloŋ loon eluwaayi yata Móyiis elobumuu.

Bakaanelabu 21:3

Li jijow jikooj étebelemukayi yan koonemuu Ciif, yan ommuu li ulako li ébato li uŋanden yo. Li jíjowum Kúñum étebelemukayi inyu li ébatowayi, jihaaŋ boot li etaamayi yata Siili. Muñeˈe li jijow jiya li kásikaku kata Tiil, tan ébatowayi yóotimuu ewalen wahawu wan etebumuu.

Kata Lom 16:1

Boot min iboñuluul áliinolaal Fóbe ammuu li bulok boot li ejanguwayi yata Sankile.

1 Kata Koolent 9:20

Ilakomuu bulok li Kusuwifaku, fan iloŋ loon asuwif aloŋemuu mantee li íŋaluliil boot li Yéesu. Maayeet min an ayilaatumuu atuuŋom ikaan bakaanelabu bata kusuwifaku loon eluwaayi yata Móyiis elobumuu, fan iloŋ loon eenimuu li eluwaayi inyu leem, ínje li bulok li bukanabuku kakaanemuu loon eluwaayi inyu elobumuu, mantee li íŋaluliil boot li Yéesu Kilisita.

Kata Galasi 1:21

Fúlum tó, li ijow boot li etaamayi yata Siili li yata Silisi.